https://www.facebook.com/share/p/1ahcVNn7ip/ 報！這改欲報傷濟項代誌！臺灣台語語料庫應用查詢系統大更新，有夠腥臊兼豐沛！以下 是這改增加ê資料佮功能： 一、增加2本辭典1本冊： 1.《新編華台對照典》邱文錫、陳憲國編 對猶未有標準字佮教典進前，就陪伴台語初學者行過烏暗ê道路，而且佇遐古早以前就附 （單機版）查詢系統，講起來是iTaigi ê啟蒙之一。到這馬，猶是足濟人咧查這本辭典 ，只是用字佮現行標準無仝，對初學者來講有負擔。這改上線ê版本，是已經經過文字標 準化，使用教育部漢字佮臺羅，例句嘛敆入語料庫。 2.《實用台語詞典》 盧廣誠編 兩三冬前就共《華台對照典》授權予阮ê盧老師，這改，伊共第一本用標準化用字、個人 編輯ê實用台語詞典貢獻出來，阮仝款共做做系統予逐家查。 3.《台語・華語 2500 較難句對照典》黃元興編 這本其實我家己嘛無誠了解，完全是因為我看內容，感覺伊ê華台對譯誠讚，就拜託阿惠 姊tshuā我去拜訪黃醫師，拜託伊授權，誠感謝伊願意。 4.語法小專欄 進前有宣傳過，針對阮語法點系統收ê內容，選其中較複雜、較有教學需求ê幾个寫較詳 細leh，適合想欲深入了解ê人。 以上tsia--ê攏佇網站的「相關連結」。 二、系統新功能 1.提供「斷詞」佮「連續」文本兩種呈現方式。斷詞版適合學習者，每一个詞攏有對應ê 臺羅；連續版適合研究者佮教材編寫，會當規句copy。 2.提供「雙關鍵詞」查詢，用「+」。比論講，是查詢框拍「連+都」，就會查著「連.... ..都......」ê句型。對做語法、語用研究ê人攏誠有幫助。 3.提供「正規式」查詢，就是佮教典仝款，會當利用各種符號，揣著指定ê句型抑是特定 組合ê臺羅，毋過教典kan-na會使用佇詞條，例句無法度，這个系統是全部語料攏會使。 有附詳細ê使用說明（多謝陳建中），使用ê時愛會記得勾選正爿頂面ê「正規表示式」 。 舊ê功能佮內容嘛攏佇leh，歡迎逐家盡量使用，若是有想著啥物利用方式對教學有幫助 ，嘛拜託逐家佮阮分享喔。 https://tggl.naer.edu.tw/ --

※ 發信站: 批踢踢實業坊(ptt.cc), 來自: 111.255.116.12 (臺灣) ※ 文章網址: https://webptt.com/m.aspx?n=bbs/TW-language/M.1773378367.A.350.html