《成語集》（1928） 【頭序】 　　言語這項，範圍真闊，逐所在逐時都有咧加添。若有較gâu的人所講的話，就流傳做 成語；閣雖然是粗俗的人，若所講的話有好意思通教示人，也代代流傳做俗語，無廢- 去。所以見若有愛欲拆明的代誌，看佮佗落一句的成語抑俗語相合，就提彼句起來講，人 聽了心內隨時明白。所以逐國無毋有in的土腔，彼號佮俗語佇咧。 　　近來時勢變遷，青年的男女，專對重歐文、和文，所以對古早流傳的成語、俗語，漸 漸廢--去，無用。新進的少年較濟毋捌用，也袂曉得彼个意思。 　　這近日Liâm Tek-lia牧師因為欲轉去英國，咧款行李的時，忽然揣出二十年前， 已經過往彼个Lîm Siông-hûn先生所寫的成語佮俗語百外條。看了毋甘廢A所以墊錢 落去印成一个細本冊，用按呢來做記念伊早時的先生啦。 　　這本冊所集只有百外條，親像袂免得的真小可。本愛加添淡薄予伊較齊備；毋過因為 愛保存Siông-hûn先生的遺稿，才無共伊添削，將原稿的額印刷來發行。其中若是成語 ，就佇頭仔印一个 * 來做號；若無的，就是俗語。我想看的人，濟少的確有得著利益。 1928年1月12日，Tân Iân-lêng記。 https://imgur.com/a/ScqCb0v --

※ 發信站: 批踢踢實業坊(ptt.cc), 來自: 140.122.53.126 (臺灣) ※ 文章網址: https://webptt.com/m.aspx?n=bbs/TW-language/M.1668587644.A.3FC.html ※ 編輯: sj113654 (140.122.53.126 臺灣), 11/16/2022 16:40:06 ※ 編輯: sj113654 (111.71.15.175 臺灣), 11/16/2022 20:00:21 ※ 編輯: sj113654 (140.122.53.112 臺灣), 11/17/2022 01:53:26