《成语集》（1928） 【头序】 　　言语这项，范围真阔，逐所在逐时都有咧加添。若有较gâu的人所讲的话，就流传做 成语；阁虽然是粗俗的人，若所讲的话有好意思通教示人，也代代流传做俗语，无废- 去。所以见若有爱欲拆明的代志，看佮佗落一句的成语抑俗语相合，就提彼句起来讲，人 听了心内随时明白。所以逐国无毋有in的土腔，彼号佮俗语伫咧。 　　近来时势变迁，青年的男女，专对重欧文、和文，所以对古早流传的成语、俗语，渐 渐废--去，无用。新进的少年较济毋捌用，也袂晓得彼个意思。 　　这近日Liâm Tek-lia牧师因为欲转去英国，咧款行李的时，忽然揣出二十年前， 已经过往彼个Lîm Siông-hûn先生所写的成语佮俗语百外条。看了毋甘废A所以垫钱 落去印成一个细本册，用按呢来做记念伊早时的先生啦。 　　这本册所集只有百外条，亲像袂免得的真小可。本爱加添淡薄予伊较齐备；毋过因为 爱保存Siông-hûn先生的遗稿，才无共伊添削，将原稿的额印刷来发行。其中若是成语 ，就伫头仔印一个 * 来做号；若无的，就是俗语。我想看的人，济少的确有得着利益。 1928年1月12日，Tân Iân-lêng记。 https://imgur.com/a/ScqCb0v --

※ 发信站: 批踢踢实业坊(ptt.cc), 来自: 140.122.53.126 (台湾) ※ 文章网址: https://webptt.com/cn.aspx?n=bbs/TW-language/M.1668587644.A.3FC.html ※ 编辑: sj113654 (140.122.53.126 台湾), 11/16/2022 16:40:06 ※ 编辑: sj113654 (111.71.15.175 台湾), 11/16/2022 20:00:21 ※ 编辑: sj113654 (140.122.53.112 台湾), 11/17/2022 01:53:26