逐家平安，相信會踮遮討論的台語人 應該袂少人已經熟似阿勇 毋知恁敢知影伊新創的台語文平台？ 抑是已經入站？ 我進前寫了這篇簡單介紹一下 希望會當揣較濟人來。 是用華文寫的，內底有圖有鏈仔： https://vocus.cc/@lesautres/5ff3731afd8978000182bf52 若無想欲入去讀華文，我簡單講一下： 我是看著前幾篇有人提出有關翻譯的問題 認為這和書寫系統的爭議仝款 毋是袂用討論，毋過敢若傷濟矣 並任何一種系統的台語文閣較濟 而且大部份用華文討論 按呢台語文愛按怎「正常化」呢？ 「食飽未」平台無限制任何有規矩的台語文 只要有系統、寫了有人看有、會使互動就會用得 歡迎逐家來做伙用台語討論世間萬項代 若是猶咧學，嘛會使觀摩別人按怎用語言 咱學英文敢毋是嘛會去線頂讀英文文章？ 毋是為學生設計的英文教材，是使用者為著交流寫的文字 台語文教材、字卡老實講已經滿四界 就是日常語料猶無夠額，抑是傷分散 希望逐家鬥陣來加寫寡，加添台語語料濟濟 勞力！ 網站對遮去：https://chiahpa.be ----- Sent from JPTT on my Google Pixel 3. --

※ 發信站: 批踢踢實業坊(ptt.cc), 來自: 80.187.86.226 (德國) ※ 文章網址: https://webptt.com/m.aspx?n=bbs/TW-language/M.1612100568.A.CE6.html 讚！多多phoo文交流！ ※ 編輯: lesautres (80.187.86.226 德國), 01/31/2021 22:42:13 逐家攏來加寫加翻！ 其實嘛會使寫一寡有的無的，我攏咧寫食譜 XD 逐人寫家己有興趣抑是專業的領域，台文就會沓沓仔啥物攏通寫！ ※ 編輯: lesautres (80.187.86.226 德國), 02/02/2021 04:46:28 有影是 milestone 若是真正有一寡成果，別个本土語言應該嘛會看樣 講仝語言的人無定著蹛做伙，按呢咱就佇線頂起造咱的語言環境 這網站較成十偌冬前時行的 forum，毋過功能加較濟較好用 ※ 編輯: lesautres (80.187.86.55 德國), 02/07/2021 04:59:11