逐家平安，相信会踮遮讨论的台语人 应该袂少人已经熟似阿勇 毋知恁敢知影伊新创的台语文平台？ 抑是已经入站？ 我进前写了这篇简单介绍一下 希望会当揣较济人来。 是用华文写的，内底有图有链仔： https://vocus.cc/@lesautres/5ff3731afd8978000182bf52 若无想欲入去读华文，我简单讲一下： 我是看着前几篇有人提出有关翻译的问题 认为这和书写系统的争议仝款 毋是袂用讨论，毋过敢若伤济矣 并任何一种系统的台语文阁较济 而且大部份用华文讨论 按呢台语文爱按怎「正常化」呢？ 「食饱未」平台无限制任何有规矩的台语文 只要有系统、写了有人看有、会使互动就会用得 欢迎逐家来做伙用台语讨论世间万项代 若是犹咧学，嘛会使观摩别人按怎用语言 咱学英文敢毋是嘛会去线顶读英文文章？ 毋是为学生设计的英文教材，是使用者为着交流写的文字 台语文教材、字卡老实讲已经满四界 就是日常语料犹无够额，抑是伤分散 希望逐家斗阵来加写寡，加添台语语料济济 劳力！ 网站对遮去：https://chiahpa.be ----- Sent from JPTT on my Google Pixel 3. --

※ 发信站: 批踢踢实业坊(ptt.cc), 来自: 80.187.86.226 (德国) ※ 文章网址: https://webptt.com/cn.aspx?n=bbs/TW-language/M.1612100568.A.CE6.html 赞！多多phoo文交流！ ※ 编辑: lesautres (80.187.86.226 德国), 01/31/2021 22:42:13 逐家拢来加写加翻！ 其实嘛会使写一寡有的无的，我拢咧写食谱 XD 逐人写家己有兴趣抑是专业的领域，台文就会沓沓仔啥物拢通写！ ※ 编辑: lesautres (80.187.86.226 德国), 02/02/2021 04:46:28 有影是 milestone 若是真正有一寡成果，别个本土语言应该嘛会看样 讲仝语言的人无定着蹛做伙，按呢咱就伫线顶起造咱的语言环境 这网站较成十偌冬前时行的 forum，毋过功能加较济较好用 ※ 编辑: lesautres (80.187.86.55 德国), 02/07/2021 04:59:11