目前佇咱台灣的政治佮社會 是小群〈siau2-kun5〉統治大群 1945年以來 唯咱的阿公阿嬤＆老父老母彼代 就互人勉強愛講小群的「華語」 咱看全世界的國家 攏將大群使用的語言 當作官方語言 只有咱台灣 毋若大群使用的台語 無做官方語言 反轉久長以來 閣互小群無情的thun2踏 甚至聯合國科教文組織呼籲 愛公平看待逐個族群的語言＆文化 國民黨中間的「高級外省人」 猶閣咧thun2踏咱的族群佮語言 上介悲哀的 就是咱家己台灣人 認賊作父 家己thun2踏家己 掠准講母語是無水準 所以攏毋講 也攏bue7曉講 此幾年 當民間拍拼推sak4母語運動的時陣 hia個「高級外省人」 就講咱咧去「中國化」 當教育界推動拼音教學的時陣 「高級外省人」就佇立法院刪除有關的預算 上介了然的 叨是hia個台灣人立法委員 嘛贊成刪除 去「中國化」？ 請問 是啥人代先給咱去「台灣化」？ 當選舉一下到 「高級候選人」用講逐族群的話 來騙你的選票 當選了後 反過來thun2踏你的族群佮你的母語 所以 推sak4講母語運動 是咧恢復咱家己族群的「尊嚴」 叫咱家己毋通背祖 毋通親像「高級外省人」 食台灣的米 啉台灣的水 猶咧thun2踏台灣 我佇此幾年的暑假 攏咧接待歐美的台灣人青年 in攏是台僑的第二第三代 總是攏足gau5講台灣話 互我不里感動佮感慨萬千 反倒轉來看咱的社會 家庭毋講母語無打緊 閣攏將囡仔送去讀英文 阮兜後壁面有一間幼稚園 若是放學 家長來接囝兒的時陣 老師攏用華語兼英語講 「〤〤！go home」 成是悽慘兼悲哀 --

※ 發信站: 批踢踢實業坊(ptt.cc) ◆ From: 114.137.5.143