目前伫咱台湾的政治佮社会 是小群〈siau2-kun5〉统治大群 1945年以来 唯咱的阿公阿嬷＆老父老母彼代 就互人勉强爱讲小群的「华语」 咱看全世界的国家 拢将大群使用的语言 当作官方语言 只有咱台湾 毋若大群使用的台语 无做官方语言 反转久长以来 阁互小群无情的thun2踏 甚至联合国科教文组织呼吁 爱公平看待逐个族群的语言＆文化 国民党中间的「高级外省人」 犹阁咧thun2踏咱的族群佮语言 上介悲哀的 就是咱家己台湾人 认贼作父 家己thun2踏家己 掠准讲母语是无水准 所以拢毋讲 也拢bue7晓讲 此几年 当民间拍拼推sak4母语运动的时阵 hia个「高级外省人」 就讲咱咧去「中国化」 当教育界推动拼音教学的时阵 「高级外省人」就伫立法院删除有关的预算 上介了然的 叨是hia个台湾人立法委员 嘛赞成删除 去「中国化」？ 请问 是啥人代先给咱去「台湾化」？ 当选举一下到 「高级候选人」用讲逐族群的话 来骗你的选票 当选了後 反过来thun2踏你的族群佮你的母语 所以 推sak4讲母语运动 是咧恢复咱家己族群的「尊严」 叫咱家己毋通背祖 毋通亲像「高级外省人」 食台湾的米 啉台湾的水 犹咧thun2踏台湾 我伫此几年的暑假 拢咧接待欧美的台湾人青年 in拢是台侨的第二第三代 总是拢足gau5讲台湾话 互我不里感动佮感慨万千 反倒转来看咱的社会 家庭毋讲母语无打紧 阁拢将囡仔送去读英文 阮兜後壁面有一间幼稚园 若是放学 家长来接囝儿的时阵 老师拢用华语兼英语讲 「〤〤！go home」 成是凄惨兼悲哀 --

※ 发信站: 批踢踢实业坊(ptt.cc) ◆ From: 114.137.5.143