佇小弟頂一篇文章內底 有引起濟濟回應 也看著逐家攏用理性的態度 互相討論表達家己的見解 對咱祖先所留落來的語言文化資產 有足大的盼望 其中有一位a80314mouse君 佇回應文有講起 「有時候我會覺得，明明有漢字可以表達， 為什麼要用拼音？畢竟拼音只是標音而已，表意還是用文字吧。」 佇tsia1 小弟用幾句來表達我的見解 1.台語羅馬拼音的使用 已經有超過200冬的歷史 古早雖然是教會咧使用較濟 總是民間嘛成普遍 2.佇語言學者的看法內底 有文獻就是文字 佇咱白話字拼音的年代 除了宗教文學以外 猶有民間文學＆官方的文獻 攏是用白話字〈全羅〉書寫 咱若去中央圖書館的 永和分館〈台灣分館〉 就會通看著 所以 台語羅馬拼音會通算做是文字 3.另外 使用拼音的目的 是較會通講出標準的台語音 4.猶閣有 就是台語有足濟語詞 是漢字無法度完全表達的 親像舉例來講 透早起床頭毛足亂 叫做「giang3-sa5-sa5」 此三字 漢字攏無法度表達 親像此種語詞 台語是有夠濟 以上 用按呢莽參考 --

※ 發信站: 批踢踢實業坊(ptt.cc) ◆ From: 116.59.4.48