大家好 我係今日才發現這個版e 一來就看到大家認真討論e文章 其實我學寫台語e時間m是蓋長 m-kao ma是想欲發表一kua我對這個主題e看法 m知是啥原因，大家若一聽到別人將自己e主張打做是 「政治e產物」e時陣，就會heh生命反彈，這kam m是一 件很奇怪e代誌？首先，咱應該愛體會到，人e任何一種想法 kap主張，攏是站taim某一種立場之上來發言，所以m管是啥米 款e想法，攏不免它作為是一種「意識型態」e本質，因此，當 你講北京話kap台語到底有任何關係無e時陣，你已經有一kua 隱而不見e假設，所以，我才e-tang ui你e主張內底，猜你到底 是站在哪一款e立場發言，而且，這款e立場以經排除政治立場 以外其他立場e可能性。所以，當我講「北京話kap台語有關係」 e時，你兜會想講「伊可能是天空色e喔」，當我講「北京話kap 台語是一人一家代」e時，你兜會想講「伊可能是森林味e喔」， 尚ho人抓狂e就是，這款e推論十回有十一回準，因此，語言kap 政治之間，「應然kap實然」e問題時常ho人頭痛。 咱大部分攏 贊成語言應該ho伊自然發展，語言e本身是目的，m是政治e工具， 但是事實不允准。 就因為語言kap政治這種顯性e關係，ho人容易將其他e立場 放忘記。雖然咱e政治立場無kang，m-kao咱愛用台語、對台語作 為母語e感情，煞無一定會有天大e分別，既然如此，為何就愛為著 黑暗e政治打壞感情咧？我知影這款講法，一定會有人反對，感覺 這是一款無聊e發言，根本是硬凹，m-kao，既然如此，提出主張 e人，不管是啥款意識型態，就大方承認自己e發言確實有意識型態 e影響，對他人e指正存而不論，這是一種需要很大勇氣e行為，唯有 如此，才有可能將語言e真相，kap語言e歷史事實還原，歷史事實 很難重現，咱應該要盡力使它接近真實，剩e推論部分，應該愛指向 kap語言有關e通則或比較，m是利用語言e同、異進行政治e推論。 以上是小妹蓋沒效e矛盾推論，請大家多多指教！ PS. 「口無」這個字大家攏按怎打字咧（找口無ti do）？ 還是用拼音卡好？ --

※ 發信站: 批踢踢實業坊(ptt.cc) ◆ From: 140.111.11.66