http://www.jen-pin.com.tw/doc/2017011717370418 讲台语的火箭阿伯──吴宗信 颜之群*全文刊伫《台语教育报》第52期(2016.12) 　　交通大学的吴宗信教授，伫一场演讲内面，全程用台语来绍介in的火箭计画，引起诚 济讨论，真济人拢真好玄，想欲知影吴教授是按怎会当用遮辗转的台语，来表达遮尔尖端 的科技内容咧？ 讲台语的火箭阿伯──吴宗信 颜之群*全文刊伫《台语教育报》第52期(2016.12) 　　交通大学的吴宗信教授，伫一场演讲内面，全程用台语来绍介in的火箭计画，引起诚 济讨论，真济人拢真好玄，想欲知影吴教授是按怎会当用遮辗转的台语，来表达遮尔尖端 的科技内容咧？ 讲台语，讲『国语』 　　吴宗信的故乡是台南的安南区，伫读国小进前，伊伫厝干焦会晓讲台语，读册了後， 学校拢用华语上课，虽然同学之间犹是会讲台语，毋过上课煞受着诚大的阻碍。伊经过一 冬外的适应，一直到二年才沓沓仔听有上课的内容。吴宗信大学的时，伫台大已经开始有 一寡学生运动，争取大学生普选活动，毋过伊本身犹未有台湾意识。上课以外，拍橄榄球 是伊上主要的休闲活动，佮同学之间的交流，嘛是拢以华语为主。真正开始用无仝角度来 思考家己所受的教育，着爱到离开台湾，去到美国读册了後矣。 对国外看台湾 　　1991年初，郭倍宏拄闪过政府的通缉对台湾助选了後转去到美国，当出名，吴宗信伫 密西根大学就去听郭倍宏的演讲。伊讲看郭倍宏生做斯文斯文，看着嘛真将才，家己就咧 想讲：「哪会按呢？这个人敢若嘛无成啥物『土匪仔形』。」演讲了後，伊加入台湾同学 会、参加读册会，对彭明敏《自由的滋味》开始，阁来看史明「台湾人四百年史」等等， 对无仝的角度看着台湾，才发现讲「唉呀，予人骗二十几冬去。」 　　1995年转来到台湾了後，吴宗信佮另外二十外个朋友，斗阵进行「5%台译计画」，共 一寡好的作品翻译做台语、客语，包括赖和《富户人ê历史》、翁闹《天光前ê恋爱故事 》、William Shakespeare《Lear王》佮George Orwell的《动物农庄》等等，想欲透过翻 译，刺激本土语言的发展。「5%台译计画」出版十四本作品，後来因为逐家拢无闲，经费 嘛无够支持，计画就按呢停去矣。 对台湾看世界 　　1998年，伊入去交大教册、继续做研究。2005年，政府欲研发卫星载具，帮忙邀请捌 伫NASA(美国太空总署)工作的陈彦升博士转来主持计画，伊共这个计画号做「哈比特计画 」(哈比特是赛夏语「飞鼠」的意思) ，同时吴宗信佮一群教授同齐协助太空中心，负责 「独立验证(Independent Verification and Validation; IV&V)」，针对彼当阵中科院 火箭设计佮测试资料进行分析佮模拟。 　　2008年政权移转，「哈比特计画」喝停，政府无阁继续推动本土火箭的研发，毋过， 煞拍开吴宗信in这阵科学家实做火箭的大门。拄开始，吴宗信想讲好耍，当做迌咧做 ，尾仔煞愈做愈专业，诚济学生、佮古早伫美国留学的时做伙拍拚的朋友（现在做教授） 做伙来参与。拄开始做火箭的时，逐家拢笑in戆，毋过这马in毋但伫交大成立ARRC(前瞻 火箭研究中心)，嘛证明台湾有才调起造家己的系统。 有袂少人感觉台湾土地细、人口少，事事项项着爱靠别人。毋过吴宗信in这阵中年阿伯， 无欲予这种观念缚牢咧，in透过火箭的角度，看着头壳顶彼片旷阔的宇宙有无限的可能， 就看咱按怎去实现。就亲像伊伫TEDxTaipei演讲最後所讲的：「阮绝对无欲放弃，欲离开 地球就着矣。」 讲台语，嘛会使 　　伫TEDxTaipei的演讲内面，吴宗信全程用台语来绍介ARRC的火箭计画。伊感觉伫这款 正式的场合，阁较应该爱用台语，欲予听众知影「台语嘛会当讲严肃阁精密的科学」。伊 讲，台语是伊的母语，「这对我来讲是上自然的代志。」对吴宗信来讲真自然的代志，毋 过对伊的学生就无的确矣。吴宗信嘛了解这点，所以伊拄和学生接触的时会先佮in讲华语 ，等到较熟似了後，学生有信任伊矣，才聊聊仔透滥台语，学生就较袂排斥。 　　伫ARRC的火箭顶头，除了汉字、英语，嘛有台语Hoe-Chin佮客语Fo'-Chien的拼音， 吴宗信笑讲，真济人毋捌，看彼字媠媠阁想讲是啥物艺术字，先引起人的兴趣，人若来问 ，伊才讲予知。对ARRC来讲，这是家己的文化，嘛是品牌的一部份。透过火箭，吴宗信向 望会当共台湾的想像力揣转来，建立家己的品牌佮未来；用台语演讲，是想欲改变一般人 对台语的观念，予逐家知影毋管你是伫佗一个领域咧拍拚，讲台语，嘛拢会使喔。 --

※ 发信站: 批踢踢实业坊(ptt.cc), 来自: 110.28.146.29 ※ 文章网址: https://webptt.com/cn.aspx?n=bbs/TW-language/M.1485138149.A.960.html