※ 引述《AnnaTseng (Tarke)》之铭言： : 象吾这款五十外岁的人，嘛毋是真恰意白话字。 : 每一遍读着台语文章，毋管是全汉、汉罗，或者是全罗，拢无法度看恰足势拍， : 拢着爱用真济时间去爻看到底是写甚麽？ : 全罗的文章，对无受过训练的人，就要一字一字慢慢啊拼音，才搁窦偎来，实在有够 : 食力，这句读完，已经毋记咧顶一句。 : 全汉的文章，嘛是仝款。有时阵为着无爱拍断台语的思考，又搁无统一的用字， : 各人展各人的功夫，累死一「拖拉库」。 : 面顶写的「拖拉库」，如果用汉字写做「卡车」，读起来总是感觉无仝味。 : 但是写做「拖拉库」，嘛是感觉怪怪。白话字吾嘛写无路来，圭去(圭撮拢去) : 用外来语写做Truck，毋知诸位先辈想法啥款？ : 另外一个例，南部人讲的「柑仔蜜」，中部真济人讲「Tomato」，如果写做 : 「他妈多」，实在有一寡不搭不七。 : 以上，是吾个人粗浅的看法，请指教。 : 多谢。 : → MilchFlasche:彼款个外来语我感觉着是用罗马字个上好时机:) 11/29 11:59 恁好:) 若是照恁anne讲，其实毋管全罗、全汉、汉罗， 读起来拢爱付出一寡代价。 因为lan着爱认清一项代志： 毋管安怎，闽南语（败势我较恰意anne叫）是一个佮华语差真济个语言， 而且lan自细汉虽然是会晓讲闽南语， 毋过受过「闽南语文」（毋管全罗、全汉、汉罗）个训练ma是真少， 所以卜期望lan读闽南语文会使像读华语（「中文」）彼款简单、轻松， 其实是无可能个。 我感觉，既然闽南语文个发展，毋管是读抑是写， 拢犹原是伫头堵仔发展个时阵， 毋管用啥物方式来写，读个农拢爱学一寡仔佮过去读华语个时阵无仝个物件。 所以，若卜排斥有一寡写法、抑是期待闽南语文有上简单个理解方式， 犹不如加强家己适应个才调。 （败势，「」包起来个是我未晓讲闽南语个词，所以用华语代入XD） （update：已经查考「台华线顶辞典」，ka「」包起来个词用正确个闽南语写转去矣） -- MilchFlasche Studio全新开张！ 历史-文化-社会-足球-生活-情感-语言-资讯-网路-TiddlyWiki http://milchflasche.byethost31.com/ 有闲来开讲！ --

※ 发信站: 批踢踢实业坊(ptt.cc) ◆ From: 218.34.140.130 ※ 编辑: MilchFlasche 来自: 218.34.140.130 (11/30 20:59)