是伊用伊的腳，一搖擱一搖，甲阮搖入眠； 是伊用伊的手，一點又一點，輕輕甲阮捏大漢。 輕輕的，一搖擱一搖； 輕輕的，一捏擱一捏。 細漢時袸驚阮穿袂燒、呷袂飽；驚阮受風寒，驚擱受傷， 大漢時袸驚阮做工作袂順適，驚阮乎人欺負， 年紀到了，驚阮的姻緣不知何時才會來。 彼一日，伊問我， 工作好嗎？啥咪時袸擱帶男朋友返來乎阮看？ 查某囝仔，不通彼熬揀，對你好丟好，嘸一定愛好額... 我跟伊講，我嘛嘸一定愛嫁。 伊講，你嘸嫁，以後哪有依靠？ 我講，嘸嫁，以後就住厝裡，甲你作伴，甘嘸好？弟弟嘛未計較。 伊講，你小弟是袂講話，可是如果以後娶某咧？ 我那擱活咧會凍出聲，萬一有一日我那走...誰人會凍替你講話... 伊那講，目屎那滴...... 一分一分，步步為世小打算， 一點一滴，攏嘸想到伊自己。 為著這個家，伊甘願做一個無聲的查某人... 我的憨阿母，何時你才會凍放下？ 何時我才會凍麥擱乎你煩惱？ 伊那講，目屎那滴，滴咧我的心內，輕輕的。 --

※ 發信站: 批踢踢實業坊(ptt.cc) ◆ From: 60.198.46.10 ※ ClaireEC:轉錄至看板 poem 10/01 10:26