是伊用伊的脚，一摇搁一摇，甲阮摇入眠； 是伊用伊的手，一点又一点，轻轻甲阮捏大汉。 轻轻的，一摇搁一摇； 轻轻的，一捏搁一捏。 细汉时袸惊阮穿袂烧、呷袂饱；惊阮受风寒，惊搁受伤， 大汉时袸惊阮做工作袂顺适，惊阮乎人欺负， 年纪到了，惊阮的姻缘不知何时才会来。 彼一日，伊问我， 工作好吗？啥咪时袸搁带男朋友返来乎阮看？ 查某囝仔，不通彼熬拣，对你好丢好，呒一定爱好额... 我跟伊讲，我嘛呒一定爱嫁。 伊讲，你呒嫁，以後哪有依靠？ 我讲，呒嫁，以後就住厝里，甲你作伴，甘呒好？弟弟嘛未计较。 伊讲，你小弟是袂讲话，可是如果以後娶某咧？ 我那搁活咧会冻出声，万一有一日我那走...谁人会冻替你讲话... 伊那讲，目屎那滴...... 一分一分，步步为世小打算， 一点一滴，拢呒想到伊自己。 为着这个家，伊甘愿做一个无声的查某人... 我的憨阿母，何时你才会冻放下？ 何时我才会冻麦搁乎你烦恼？ 伊那讲，目屎那滴，滴咧我的心内，轻轻的。 --

※ 发信站: 批踢踢实业坊(ptt.cc) ◆ From: 60.198.46.10 ※ ClaireEC:转录至看板 poem 10/01 10:26