寒天當時來 當時走 挖不知影 熱天當時來 當時走 挖嘛不知 就是按爾 越來勢去 擱越轉去 不知影寒熱彼咧時 細細漢阿 幾阿回 阮麻攏會共 挖細漢歹飼 這著呷伊的水米 大人叫伊二摁 囝仔叫伊阿摁 隔一間低厝仔 隔一條 比人卡寬一屑屑仔的巷仔 不管時 伊都佇遐 阮麻生我的身 嘛予挖一暫吔坎坷 是伊甲挖撿轉去 勸置伊腹肚內底 擱生一改 寒天的欲暗阿時 伊定來叫我去伊兜 捧一碗黑黑苦苦的補湯 捧一碗龍眼乾米糕 「啉了 遮去上課」 「呷了 遮轉去」 「擱是全酒 酒味就重誒」 人是用牛奶飼囝大 伊是用米酒 金金看的疼惜 重甲挖飼活 寒天來 寒天走 著看伊灶腳的酒香氣 當時散 阿摁是我的寒天 拍無去的時才知影 腳會凍換 手嘛會凍換 耳ㄚ留著就好阿 換記誌內底伊的聲 像卡甲時陣 坐惦前廳的椅阿 聽伊想著啥就講啥 坐遐聽就好阿 「囝仔人有耳無嘴」 惦惦聽就好阿 話共到一半 熊熊擱變出一盤芭辣 「來喔 呷芭辣」 明明著伊愛呷 看伊哪共 哪咬一嘴芭辣 想起來嘛真促味 熱天就是按爾 芭辣、旺來吔是西瓜 置遐咧變換 阿摁是我的熱天 找無的時才知影 有一條歌 一个阿督仔老背 寫予伊的幼囝 「你甘擱會記我的名 在天頂拄著的時陣」 這時陣 妳塊創啥 外口甘會究熱ㄟ 住遐的人甘嘛是叫妳阿菊仔 甘嘛知影妳的後頭厝 住佇南區的樹仔腳 台語共的茫茫渺渺 國語按那翻 挖嘛袜曉 乾那知影 予人放落的 又各晟作一隻鳥仔 --

※ 發信站: 批踢踢實業坊(ptt.cc), 來自: 210.242.86.215 (臺灣) ※ 文章網址: https://webptt.com/m.aspx?n=bbs/poem/M.1658471952.A.229.html