寒天当时来 当时走 挖不知影 热天当时来 当时走 挖嘛不知 就是按尔 越来势去 搁越转去 不知影寒热彼咧时 细细汉阿 几阿回 阮麻拢会共 挖细汉歹饲 这着呷伊的水米 大人叫伊二摁 囝仔叫伊阿摁 隔一间低厝仔 隔一条 比人卡宽一屑屑仔的巷仔 不管时 伊都伫遐 阮麻生我的身 嘛予挖一暂吔坎坷 是伊甲挖捡转去 劝置伊腹肚内底 搁生一改 寒天的欲暗阿时 伊定来叫我去伊兜 捧一碗黑黑苦苦的补汤 捧一碗龙眼乾米糕 「啉了 遮去上课」 「呷了 遮转去」 「搁是全酒 酒味就重诶」 人是用牛奶饲囝大 伊是用米酒 金金看的疼惜 重甲挖饲活 寒天来 寒天走 着看伊灶脚的酒香气 当时散 阿摁是我的寒天 拍无去的时才知影 脚会冻换 手嘛会冻换 耳ㄚ留着就好阿 换记志内底伊的声 像卡甲时阵 坐惦前厅的椅阿 听伊想着啥就讲啥 坐遐听就好阿 「囝仔人有耳无嘴」 惦惦听就好阿 话共到一半 熊熊搁变出一盘芭辣 「来喔 呷芭辣」 明明着伊爱呷 看伊哪共 哪咬一嘴芭辣 想起来嘛真促味 热天就是按尔 芭辣、旺来吔是西瓜 置遐咧变换 阿摁是我的热天 找无的时才知影 有一条歌 一个阿督仔老背 写予伊的幼囝 「你甘搁会记我的名 在天顶拄着的时阵」 这时阵 你块创啥 外口甘会究热ㄟ 住遐的人甘嘛是叫你阿菊仔 甘嘛知影你的後头厝 住伫南区的树仔脚 台语共的茫茫渺渺 国语按那翻 挖嘛袜晓 乾那知影 予人放落的 又各晟作一只鸟仔 --

※ 发信站: 批踢踢实业坊(ptt.cc), 来自: 210.242.86.215 (台湾) ※ 文章网址: https://webptt.com/cn.aspx?n=bbs/poem/M.1658471952.A.229.html