https://www.facebook.com/share/p/1DcVWb7fCE/ 「治言齋學堂」開班公告 洪惟仁教授一世人研究臺語，佇音韻學、方言學、地理語言學、社會語言學、歷史語言學 佮台語文學、相褒歌等領域發表過學術論文百外篇，出版著作六十幾本。今年八十歲，想 欲共伊一世人的學問傳落去。按算對八月底起開班授徒，塾名叫「治言齋學堂」。 先生會（tshua）咱全方位、跨領域探討「臺語學」。對台語生態學開始了解台語 的現狀，教咱讀台語發音學、音韻學，學查各種韻書、辭典，介紹各種台語文獻；了解語 言學（聲韻學、語義學、詞彙學、文法）的原理；了解閩南語方言學，學看語言地圖；了 解閩南語唐山過臺灣的來龍去脈；學歷史語言學、閩南語語源學、台語文字學；台語傳統 詞彙、新名詞、外來語；學讀相褒歌文獻、歌仔冊文獻、歌仔戲文、南管戲文、荔鏡記、 現代台語文學；讀白話字文獻；讀漢文、漢詩、學吟詩、誦文（唸冊歌）……等等。逐項 學、逐項做伙研究。 上課過程全程錄影，做歷史文獻。剪接其中精彩部份，囥Youtube、花思木（Facebook/面 冊/臉書）引起一般人的趣味。 一、 課程表：臺灣語言現狀、臺語發音學……其他待定 二、 時間：8/30（日）起隔周上課，一擺三點鐘。訂禮拜下晡兩點到五點（節日順延） 三、對象：歡迎卜做研究个、卜學興趣个；歡迎學生、社會人士 四、教學方式：1. 教學媒介基本上用台語、台文，專有名詞兼用中文、英文、日文；2. 學生以台語報告讀冊心得；3. 互相討論；4. 先生總結。課後會分配作業總結學習心得。 上課以現場、線頂同時進行。全世界攏會凍蹛線頂上課，因為空間的限制，每堂課干焦6 个人會當來治言齋現場，輪流登記現場聽課。 五、報名方式：線頂填（thian）牛哥（Google）表單，網址： https://forms.gle/jucvX63HhGmYLc7t7 --

※ 發信站: 批踢踢實業坊(ptt.cc), 來自: 111.255.120.194 (臺灣) ※ 文章網址: https://webptt.com/m.aspx?n=bbs/TW-language/M.1785288584.A.972.html