https://tkt7235.pythonanywhere.com/ 臺語歌真正正字歌詞網–歌詞語料搜揣 臺語歌真正正字歌詞網這个面冊社團已經紡超過10年，粒積做一个欲三萬條歌的大型資料 庫，煞一直攏無一个方便的方式會當直接揣歌詞文本。 想欲知影啥物款的詞敢有出現佇歌詞內底，干焦會當用面冊不止仔歹用的搜揣功能，抑無 就是愛祈求 Google 有收錄。 這个網頁共所有的歌詞資料變做會當搜揣的文本，而且提供比照教典佮國教院臺灣台語語 料庫的搜揣功能佮特性，用漢字、台羅、數字式台羅攏揣通揣著資料庫內底所有的歌詞資 料，嘛會當針對演唱者佮歌名揣。 另外嘛有提供進階的 REGEX 模式，會當用正規表示式揣歌詞文本，利用正規表示式會當 揣著特徵的句型、聲調、押韻、輕聲等等的內容，相關的特性比照國教院的語料庫，搜揣 的理路說明佮範例會當參考國教院的正規表示式查詢說明文件。 網頁嘛有提供袂輸kha-lá-óo-khe歌本的索引目錄，會當照歌名頭字抑是演唱者名頭字 去揣，佮 Shiangshiou Hu 的表格是仝款的功能。 每一條歌詞資料嘛攏有提供原文、漢字、台羅三个版本，嘛有原始社團文章的連結，通常 佇原始社團文章攏通揣著彼條歌的 Youtube 版本通聽。 感謝各位偉大的貢獻者，閣有 W.b. Chen 佮 Shiangshiou Hu 兩个先進一直有咧整理歌 詞編號佮目錄。 網頁是用 Flask 所開發，目前起佇 PythonAnywhere 的免費空間，搜揣效能猶無講蓋好 ，有當時仔愛等較久，這較失禮，毋過一定揣會著。以後應該會稅一个 server 來囥，效 能會當加較好。 歡迎逐家加利用，若是有啥物建議抑是回饋歡迎共我講，希望這个系統對逐家無論是創作 抑是研究攏會當有一寡路用：） https://www.facebook.com/share/p/1BduDG3drU/ --

※ 發信站: 批踢踢實業坊(ptt.cc), 來自: 111.255.109.58 (臺灣) ※ 文章網址: https://webptt.com/m.aspx?n=bbs/TW-language/M.1779264496.A.3E1.html ※ 編輯: CCY0927 (111.255.109.58 臺灣), 05/20/2026 17:34:01