作者Fice (Fice)
看板TW-language
標題[資料] 台字田(白話字+在來字)
時間Mon Aug 2 20:47:46 2021
板頂竟然無人分享過台字田@@
台字田：
https://ji.taioan.org/
無論卜學台文漢字亞是羅馬字、我都認為這是上好个網站
台字田个漢字採用在來字、羅馬字採用白話字。
朗是台員民間着有人塊寫个文字
洽中華民國以威權制定出來个華閩字．臺閩羅、意義完全無仝
定定有人對台員話个文字有一卦奇怪个誤解。
彼朗是因為伊人頭殼內有中華腦煞無自覺。
接受過中華民國教育个人加減都會有
台字田對文字个觀念、會凍幫助破除中華腦。
這是我上推薦伊个原因
乎逐家參考一下
----
Sent from
BePTT
--
※ 發信站: 批踢踢實業坊(ptt.cc), 來自: 36.230.122.136 (臺灣)
※ 文章網址: https://webptt.com/m.aspx?n=bbs/TW-language/M.1627908469.A.89F.html
1F：推 thundelet: 推推08/02 22:31
2F：→ MilchFlasche: 我一直攏認為毋是「教育部」著完全無代表臺灣民間08/03 12:18
3F：→ MilchFlasche: 意見。共無仝見解學者囥佇「威權」个帽仔下，08/03 12:20
4F：→ MilchFlasche: 較成「意見/感受」，無一定是「事實」。08/03 12:21
教育部是對中華民國个觀點來看待台員話、所以到今由元是稱呼臺灣閩南語。
因選个漢字嗎朗是爲着配合華文个書寫慣勢。
有摻一部份个民間意見嗎無法度掩飾因个威權作為
5F：→ MilchFlasche: 汝咧講古爾。提一點教育部對言語个號名，來誅殺08/03 15:41
6F：→ MilchFlasche: 別儂个觀點佮努力，毋是正辦。08/03 15:42
7F：→ MilchFlasche: （我講汝咧講古个意思是，汝講个是汝个主觀認知爾）08/03 15:50
我講个是客觀事實。教育部到今着是夭未改名、彼著代表因个態度。
汝愛看整體个表現。講不是所有教育部个學者朗按呢、彼無意義。
親像只馬國際看咱著是Chinese Taipei。講國內有外多人支持建國、彼無路用
8F：推 MilchFlasche: 沒影。就算改用「臺灣國教育部」，仝款會有足濟儂，08/04 11:58
9F：→ MilchFlasche: 支持用「正字」佮「臺羅」。選擇佗一套漢字、佗一套08/04 11:58
10F：→ MilchFlasche: 羅馬字，有個人个歡喜意愛，毋是講支持獨立建國，08/04 11:59
11F：→ MilchFlasche: 著干焦會使用在來字佮白話字；嘛毋是講揣本字个儂抑08/04 11:59
12F：→ MilchFlasche: 是改革羅馬字拼法个儂著是「著『中華毒』」。08/04 12:00
13F：→ MilchFlasche: 恁這叫做「錯誤歸因」。08/04 12:00
硬卜尋漢字來鬥、有影着是着中華毒。陳世明洽大衛羊个信徒即會一大堆。
「正字」按盞叫「正」？着是政府作主、威權象徵。
臺閩羅是中華民國假爻造个產物、中華毒血統世界純
14F：推 MilchFlasche: 毋是按呢。正常國家嘛有orthography討論个協會、委08/04 19:49
15F：→ MilchFlasche: 員會。毋管是毋是政府機關直接做，定定有一个機構08/04 19:50
16F：→ MilchFlasche: 歐洲國家定定有。08/04 19:51
17F：→ MilchFlasche: 大衛羊陳世明當然是亂使鬥。啊毋過較有方法个儂嘛08/04 19:52
18F：→ MilchFlasche: 足濟，正經鬥字、正經討論、態度好个儂嘛足濟，08/04 19:54
19F：→ MilchFlasche: 毋免干焦講毋成个儂啦08/04 19:54
20F：推 MilchFlasche: 恁當然會使主張「在來字有『傳統加分』」，毋過嘛愛08/04 19:57
21F：→ MilchFlasche: 看恁个理由是毋是會當講大部分儂講會振動、講會接受08/04 19:58
22F：→ MilchFlasche: 干焦講「所有研究「本字」个儂攏是華毒」←袂當接受08/04 19:59
23F：→ MilchFlasche: 「完全反對所有个標準化」←無必要08/04 20:00
「硬卜」鬥漢字即是華毒。教育部着是按呢。
標準化愛以民間本來著存在个寫法去揀。哪有完全造一套新个來迫人換个道理。
RoC个做法洽外國完全無仝。勿偷換概念。
而且不但台文、客文．先住民各族文嗎仝款乎創治
24F：→ guanquan: 台語都快滅亡了還有空在那邊搞分化...08/05 01:01
汝着愛了解、一直是RoC塊創空。
先共本土語文禁止、致使台灣人朗變青盲牛。閣來造新系統亂屑、數想取代舊文字。
國語政策到今嗎夭未停。
者个漚屎步个目的朗是爲着消滅本土語文
25F：→ MilchFlasche: 恁上大个問題著是竟然認為人民家己袂對「本來寫法」08/05 13:32
26F：→ MilchFlasche: 有意見。其實只要對漢字意思有堅持个儂有夠濟，08/05 13:34
27F：→ MilchFlasche: 莫講佗一國，在來字仝款夆改掉。08/05 13:34
若是以台文个觀點來討論、我無意見。台字田嗎是討論出來个。
教育部明顯不是。而且因爲欠缺台文教育个關係、大部份个人嗎不是。
台文卜按盞寫閣需要考慮華文个慣勢、按呢咁有道理？
台字田个用字嗎不是100%無問題。重點是學按盞對台文个觀點來思考
28F：→ MilchFlasche: 這可能有程序正義个問題，毋過無代表「臺文觀點」08/06 05:55
29F：→ MilchFlasche: 干焦恁主張个這種方式，嘛毋是講臺文袂當參考漢字學08/06 05:56
30F：→ MilchFlasche: 實體問題歸實體，程序問題歸程序，兩項代誌。08/06 05:56
31F：→ MilchFlasche: 批判儂決策過程，無代表儂个用字思考著是反本土。08/06 05:57
選字个理由教育部有藏治「臺灣閩南語按呢寫」、台字田是藏治「定義集」。
我全部朗讀過啞。汝嗎會凍比較一下因个爭差
32F：→ MilchFlasche: 按呢好啊，按呢就是逐个儂照家己認同佗一爿个理由，08/06 12:13
33F：→ MilchFlasche: 決定自己安怎揀字囉。像我對beh，較早時嘛有較認同08/06 12:14
34F：→ MilchFlasche: 用「卜」，無愛用「欲」，尾仔才知「卜」有佇在來字08/06 12:15
35F：→ MilchFlasche: 總是，這攏有理性思考選擇个空間佮自由，08/06 12:16
36F：→ MilchFlasche: 毋是起來著無條件講歡喜教育部字為主个儂攏是華腦、08/06 12:16
37F：→ MilchFlasche: 「臺灣儂著應該用在來字/白話字」等等，彼是武斷08/06 12:18
38F：→ MilchFlasche: 恁做恁推 在來字，逐家各自拽迷眾，理由應該愛合理08/06 12:20
39F：推 lesautres: 橫直互相朗看有、咱着看叨一派卡爻寫。08/07 22:28
問題是資源差箱多、初學者朗會乎教育部拐去
※ 編輯: Fice (1.171.18.102 臺灣), 09/19/2021 14:53:24