黎明到底有幾疼錫衞蘭（Janice）？黎明為保護Janice，可以出動到身為Amusic御用監製 雷頌德（Mark），仆落樓充當Janice的保安擋記者。為了令Janice的唱片可如期推出，黎 明又會耍出獨門「音波功」，懶理阿Mark感受，以「煩音」迫使攰到只得半條命的Mark即 返錄音室為Janice的新碟趕工。原來除了女友樂基兒外，黎明心裏面仲有一個Janice。 記：記者　　　M：Mark　　　 J：Janice 記：錄呢張英文碟，正值衞詩惹官司時期，錄製嘅過程，可有難忘事？ M：製作佢呢張碟，我同Janice都經歷咗好多嘢，因為發生咗嗰件事（衞詩日本被捕）， 估唔到要出動埋我落街幫手攔記者。記得嗰日，Janice要嚟錄音，我喺樓下已經見到好多 記者等，返到studio就收到黎生（黎明）電話。 黎生喺電話度話：「你落樓下幫手攔住啲記者！」當時我拒絕，同黎生講我畀記者影晒相 ，答晒嘢喇喎，又落去？叫阿峰（Janice男助手）做咪得囉。但黎生唔放棄，仲用好肯定 嘅語氣堅持話：「你落去啦！信我啦！（下刪一百字）。」黎生講到咁，我咪落去囉，但 我落去都冇用，阿峰一個頂十個（記者），我都唔知落去做乜。不過從呢件事睇得出，黎 生真係好錫Janice囉。 J：係喎，依家諗番起，先記得你落咗樓下接我。嗰排我好亂，都醒唔起你做乜咁做添。 不過我知黎生同所有同事都對我好好，但我又唔知你哋做過乜，總之大家對我好，我係 feel到的。 同度困難期 記：阿Mark，有冇覺得Janice經過咗妹妹件事後，成個人都長大咗？ M：除咗發覺Janice成長咗，佢仲變得堅強咗，我同佢一齊經歷咗呢個困難期後，連我都 成熟咗。呢張碟我幫Janice監製咗七首歌，有六首英文歌同一首音樂，我同Janice係一齊 長大。 J：我真係好感激阿Mark，好似錄上一張碟，我唔開心，佢見我好down，會陪我坐埋一邊 ，講啲鼓勵嘅說話激勵我，但係講乜，我好冇記性，所以唔記得咗。但嗰次同阿Mark傾完 後，我真係有「叮」一聲嘅感覺，成個人醒咗，諗通咗。 淚灑錄音室 記：覺得Janice有冇再進步嘅空間？ M：我覺得Janice係好有潛質嘅歌手，其實我識咗Janice好耐，佢未簽黎生時，我已經識 佢，係我帶佢入行。因為我聽過佢唱得最好係點，所以我對佢要求好高。我覺得Janice最 大嘅問題係集中力唔夠，有時唱唱吓就唔知去咗邊，要我開壇招魂，作法招Janice個魂魄 返嚟。今次錄音期間，我梗係有見過Janice喊啦，但我冇特別安慰佢，其實點安慰佢都冇 用，最好就唔好講咁多，畀佢專心錄好音，放多啲時間喺工作度，喺正面啲嘅出發點去諗 。我知佢好辛苦，錄音時，我都會發覺佢會有幾秒鐘迷茫咗，但今次佢好快就冇事。 J：其實我唔係遊魂，只係我太專心諗緊點唱好首歌，你誤會咗我啦，哈哈……阿Mark唔 係咁了解我喎。 各有各觀點 記：你哋合作咗咁耐，有冇試過意見不合而有拗撬呀？ M：我哋梗係試過鬧交，唔止反面，直情係鬧到反枱咁滯呀。我都唔好老脾，記得有次錄 音，我啱啱搭飛機返嚟已經攰到死，但又係黎生打電話畀我，不停咁「哦」我：「唔係呢 ，一定要立即錄音，因為……（又係下刪一百字）。」佢啲「煩音」真係好犀利，又這樣 又那樣，黎生叫到，我咪錄囉。但嗰日Janice表現唔係咁好，我又躁又攰咪鬧囉，佢仲駁 嘴，大家咪吵大鑊，之後大家鬧到互不瞅睬，咁冷戰咗一陣就冇事，我都後悔發咁大脾氣 。我冇氹番佢架，最多咪主動話車佢返屋企，我都係住佢嗰區。嘩！車佢不知幾好啦，唔 使搭的士，慳番好多。 J：嗰次我同阿Mark鬧交，我都覺得自己好大膽，事後都好後悔，但我真係覺得我唱得冇 問題，我都有我嘅觀點，不過鬧完就冇事。阿Mark有時唔使講出口，佢一個眼神，我都 get到佢想點，同黎生一樣。 「親生女」照顧周到 Janice早於18歲就已簽約黎明的唱片公司Amusic，更是黎明旗下的首位歌手。既然是第一 個「親生女」，黎明當然對Janice寵愛有加，除在背後默默栽培Janice及諗計打造她成一 鳴驚人的歌手外，對Janice的日常生活也照顧周到。 製造話題 2004年尾，黎明安排Janice翻唱其經典歌《我這樣愛你》及《情深說話未曾講》英文版， 成功吸引樂迷注意。其後黎明再安排Janice唱《不可一世》及《情深說話未曾講》中文版 ，Janice這位女新人即成全城熱話。 訓練口才 Janice剛剛加盟唱片公司時，黎明嫌她廣東話說得不夠好，故安排她在公司做接線生及買 外賣，目的是訓練她的說話技巧及語言能力。 親選豪宅 Janice現居的大埔道豪宅，亦是黎明精心挑選。住所距離位於九龍塘的公司只需15分鐘車 程，黎明覺得Janice住在該處較為方便，加上唱片公司御用監製雷頌德也住在同區，方便 Janice隨時有照應。 送保母車 Janice所乘坐的保母車，乃黎明自掏腰包所送。Janice有私家車用後，就不用再租車，出 入相當方便。今年農曆新年，Janice與妹妹Jill等粉飾豪華Van給本報拍照。 --

※ 發信站: 批踢踢實業坊(ptt.cc) ◆ From: 61.228.131.148