黎明到底有几疼锡衞兰（Janice）？黎明为保护Janice，可以出动到身为Amusic御用监制 雷颂德（Mark），仆落楼充当Janice的保安挡记者。为了令Janice的唱片可如期推出，黎 明又会耍出独门「音波功」，懒理阿Mark感受，以「烦音」迫使攰到只得半条命的Mark即 返录音室为Janice的新碟赶工。原来除了女友乐基儿外，黎明心里面仲有一个Janice。 记：记者　　　M：Mark　　　 J：Janice 记：录呢张英文碟，正值衞诗惹官司时期，录制嘅过程，可有难忘事？ M：制作佢呢张碟，我同Janice都经历咗好多嘢，因为发生咗嗰件事（衞诗日本被捕）， 估唔到要出动埋我落街帮手拦记者。记得嗰日，Janice要嚟录音，我喺楼下已经见到好多 记者等，返到studio就收到黎生（黎明）电话。 黎生喺电话度话：「你落楼下帮手拦住啲记者！」当时我拒绝，同黎生讲我畀记者影晒相 ，答晒嘢喇喎，又落去？叫阿峰（Janice男助手）做咪得罗。但黎生唔放弃，仲用好肯定 嘅语气坚持话：「你落去啦！信我啦！（下删一百字）。」黎生讲到咁，我咪落去罗，但 我落去都冇用，阿峰一个顶十个（记者），我都唔知落去做乜。不过从呢件事睇得出，黎 生真系好锡Janice罗。 J：系喎，依家谂番起，先记得你落咗楼下接我。嗰排我好乱，都醒唔起你做乜咁做添。 不过我知黎生同所有同事都对我好好，但我又唔知你哋做过乜，总之大家对我好，我系 feel到的。 同度困难期 记：阿Mark，有冇觉得Janice经过咗妹妹件事後，成个人都长大咗？ M：除咗发觉Janice成长咗，佢仲变得坚强咗，我同佢一齐经历咗呢个困难期後，连我都 成熟咗。呢张碟我帮Janice监制咗七首歌，有六首英文歌同一首音乐，我同Janice系一齐 长大。 J：我真系好感激阿Mark，好似录上一张碟，我唔开心，佢见我好down，会陪我坐埋一边 ，讲啲鼓励嘅说话激励我，但系讲乜，我好冇记性，所以唔记得咗。但嗰次同阿Mark倾完 後，我真系有「叮」一声嘅感觉，成个人醒咗，谂通咗。 泪洒录音室 记：觉得Janice有冇再进步嘅空间？ M：我觉得Janice系好有潜质嘅歌手，其实我识咗Janice好耐，佢未签黎生时，我已经识 佢，系我带佢入行。因为我听过佢唱得最好系点，所以我对佢要求好高。我觉得Janice最 大嘅问题系集中力唔够，有时唱唱吓就唔知去咗边，要我开坛招魂，作法招Janice个魂魄 返嚟。今次录音期间，我梗系有见过Janice喊啦，但我冇特别安慰佢，其实点安慰佢都冇 用，最好就唔好讲咁多，畀佢专心录好音，放多啲时间喺工作度，喺正面啲嘅出发点去谂 。我知佢好辛苦，录音时，我都会发觉佢会有几秒钟迷茫咗，但今次佢好快就冇事。 J：其实我唔系游魂，只系我太专心谂紧点唱好首歌，你误会咗我啦，哈哈……阿Mark唔 系咁了解我喎。 各有各观点 记：你哋合作咗咁耐，有冇试过意见不合而有拗撬呀？ M：我哋梗系试过闹交，唔止反面，直情系闹到反枱咁滞呀。我都唔好老脾，记得有次录 音，我啱啱搭飞机返嚟已经攰到死，但又系黎生打电话畀我，不停咁「哦」我：「唔系呢 ，一定要立即录音，因为……（又系下删一百字）。」佢啲「烦音」真系好犀利，又这样 又那样，黎生叫到，我咪录罗。但嗰日Janice表现唔系咁好，我又躁又攰咪闹罗，佢仲驳 嘴，大家咪吵大镬，之後大家闹到互不瞅睬，咁冷战咗一阵就冇事，我都後悔发咁大脾气 。我冇氹番佢架，最多咪主动话车佢返屋企，我都系住佢嗰区。哗！车佢不知几好啦，唔 使搭的士，悭番好多。 J：嗰次我同阿Mark闹交，我都觉得自己好大胆，事後都好後悔，但我真系觉得我唱得冇 问题，我都有我嘅观点，不过闹完就冇事。阿Mark有时唔使讲出口，佢一个眼神，我都 get到佢想点，同黎生一样。 「亲生女」照顾周到 Janice早於18岁就已签约黎明的唱片公司Amusic，更是黎明旗下的首位歌手。既然是第一 个「亲生女」，黎明当然对Janice宠爱有加，除在背後默默栽培Janice及谂计打造她成一 鸣惊人的歌手外，对Janice的日常生活也照顾周到。 制造话题 2004年尾，黎明安排Janice翻唱其经典歌《我这样爱你》及《情深说话未曾讲》英文版， 成功吸引乐迷注意。其後黎明再安排Janice唱《不可一世》及《情深说话未曾讲》中文版 ，Janice这位女新人即成全城热话。 训练口才 Janice刚刚加盟唱片公司时，黎明嫌她广东话说得不够好，故安排她在公司做接线生及买 外卖，目的是训练她的说话技巧及语言能力。 亲选豪宅 Janice现居的大埔道豪宅，亦是黎明精心挑选。住所距离位於九龙塘的公司只需15分钟车 程，黎明觉得Janice住在该处较为方便，加上唱片公司御用监制雷颂德也住在同区，方便 Janice随时有照应。 送保母车 Janice所乘坐的保母车，乃黎明自掏腰包所送。Janice有私家车用後，就不用再租车，出 入相当方便。今年农历新年，Janice与妹妹Jill等粉饰豪华Van给本报拍照。 --

※ 发信站: 批踢踢实业坊(ptt.cc) ◆ From: 61.228.131.148