今日第一組上左旅遊廣東話, 小女子做左份講義, 希望對大家有用~! 版權所有 @ @+ ..如要轉載請註明出處. 一、 問路 1. 請問邊度有旅遊局o既櫃台呀 / 請問旅遊局o既櫃台o係邊度o架？ --o係地下一樓近lift口o個度。 2. 唔好意思，請問去邊度搭機場巴士o架 / 邊度有得搭機場巴士o架？ --由哥邊出口出去就有巴士站o架啦，或者你出到去再問下人丫。 3. 唔該…請問葡京酒店點去o架？ --機場巴士有經o架，你上到車同司機講聲啦。 4. 請問附近有冇洗手間o架？ --呢…行前D有地鐵站，落去就有o架啦。 5. 請問洗手間o係邊o架？ --由哥邊樓梯上二樓再轉左。 6. 請問我應該點搭去台大呀？ --你搭去台北車站再轉淡水線，然後搭到去公館站就OK o架啦。 7. 請問去關閘應該搭幾號(巴士)呀？ --搭5號，9號，28號都得。 8. 請問o係邊度買入場票o架？ --o係哥邊櫃台。 二、 買野 1. 唔該俾包紙巾我丫。 --多謝你個半丫。 (俾錢) --收你10蚊。(收錢) 咦…乜唔係找8個半咩？ --呀…唔好意思，找錯o左tim，找番5毫俾你。 2. --小姐，請問有咩幫到你呀？ 唔該我想搵劉德華o既CD。 --o係哥邊轉過去就有架啦。 3. --小姐，請問有咩幫到你呀？ 唔該我想搵呢隻碟(指住紙仔or 海報)。 --麻煩你等等o下。 4. 唔該 excuse me 可唔可以羅果件大褸俾我睇下 Sorry 唔係呢件　係隔離有士多啤梨同Cream o係上面果件 thank you 5. 請問呢件衫有冇其他顏色架？ --仲有米色同粉紅色。 / 唔好意思，得呢隻色咋。 6. 唔該我想試下呢條褲。 --你幾多褲頭呀？ 25。 --你等等o下……麻煩你去哥邊試身室試丫。 7. 請問呢條褲有冇大碼呀？ 我覺得hip位緊左d。 --麻煩你等等o下。 --sorry, 呢個款係one size o架，其實你都著得幾好睇丫。 / 淨番一個碼咋，你要唔要試下其他款？ --但我唔慣著咁窄...嗯..我再睇睇先啦。 8. 唔該呢隻錶幾錢呀？ --500。 咁貴o既…有冇得平d呀？ --最平計你四百五喇。呢隻新番o架。 再平少少tim啦… --四百三…真係冇得再平啦，我地賺得好少o架咋。 咁好啦。買兩隻有冇得再平d呀？ --計你八百五啦。 9. 老細，邊隻最多人買o架？ --呢隻杏仁餅最多人買黎做手信o架，你試下好唔好食再決定囉…… 咦，你台灣 / 大陸o黎o架？ 係呀。/ 唔係，我係台灣o黎o架。 --好多台灣遊客都幫襯我地o架，你買多幾盒我計你平d啦。 三、 食野 1. 唔該俾個菜牌 / menu我丫。 2. 唔該我要呢個丫(指住menu)。 3. 唔該俾(多)杯水我(地)丫。 (杯水 --> 隻碗仔，隻杯，對 / 雙筷子，隻叉，隻羹，把刀) 4. 請問公司三文治係咩o黎架？ 5. 唔該埋單 / 找數 丫。 --多謝你五十八蚊。收你一百…找番你四十二蚊。 6. 唔該俾串魚蛋我丫。 --要唔要辣呀？ 好丫唔該 / 唔使啦唔該。 7. 唔該我要一個雞蛋仔。 --多謝你6蚊丫。 8. 唔該五花茶幾錢呀？ --5蚊。 四、 其他 1. 我叫______，我係台灣o黎架，我鍾意左______好耐o架啦，今次特登黎睇佢演唱會架。 2. 唔該可唔可以幫我地影張相呀？ 禁呢個掣就得架啦。麻煩你我要影到整個牌坊喎… --你地企埋少少丫…準備，一、二、三… 唔該影多張丫… (影相..) --你地睇下 O 唔 OK 丫~ 唔該晒！ 3. 請問呢度影唔影得相o架？ 4. 請問你地開到幾點o架？ / 請問你地o既營業時間係…？ --我地開到10點o架。 / 朝早11點到夜晚10點。 5. (希望不會用到…- -|||) 救命呀！唔該幫手打999 報警 / call白車丫！ THE END --

※ 發信站: 批踢踢實業坊(ptt.cc) ◆ From: 140.112.216.47