今日第一组上左旅游广东话, 小女子做左份讲义, 希望对大家有用~! 版权所有 @ @+ ..如要转载请注明出处. 一、 问路 1. 请问边度有旅游局o既柜台呀 / 请问旅游局o既柜台o系边度o架？ --o系地下一楼近lift口o个度。 2. 唔好意思，请问去边度搭机场巴士o架 / 边度有得搭机场巴士o架？ --由哥边出口出去就有巴士站o架啦，或者你出到去再问下人丫。 3. 唔该…请问葡京酒店点去o架？ --机场巴士有经o架，你上到车同司机讲声啦。 4. 请问附近有冇洗手间o架？ --呢…行前D有地铁站，落去就有o架啦。 5. 请问洗手间o系边o架？ --由哥边楼梯上二楼再转左。 6. 请问我应该点搭去台大呀？ --你搭去台北车站再转淡水线，然後搭到去公馆站就OK o架啦。 7. 请问去关闸应该搭几号(巴士)呀？ --搭5号，9号，28号都得。 8. 请问o系边度买入场票o架？ --o系哥边柜台。 二、 买野 1. 唔该俾包纸巾我丫。 --多谢你个半丫。 (俾钱) --收你10蚊。(收钱) 咦…乜唔系找8个半咩？ --呀…唔好意思，找错o左tim，找番5毫俾你。 2. --小姐，请问有咩帮到你呀？ 唔该我想搵刘德华o既CD。 --o系哥边转过去就有架啦。 3. --小姐，请问有咩帮到你呀？ 唔该我想搵呢只碟(指住纸仔or 海报)。 --麻烦你等等o下。 4. 唔该 excuse me 可唔可以罗果件大褛俾我睇下 Sorry 唔系呢件　系隔离有士多啤梨同Cream o系上面果件 thank you 5. 请问呢件衫有冇其他颜色架？ --仲有米色同粉红色。 / 唔好意思，得呢只色咋。 6. 唔该我想试下呢条裤。 --你几多裤头呀？ 25。 --你等等o下……麻烦你去哥边试身室试丫。 7. 请问呢条裤有冇大码呀？ 我觉得hip位紧左d。 --麻烦你等等o下。 --sorry, 呢个款系one size o架，其实你都着得几好睇丫。 / 净番一个码咋，你要唔要试下其他款？ --但我唔惯着咁窄...嗯..我再睇睇先啦。 8. 唔该呢只表几钱呀？ --500。 咁贵o既…有冇得平d呀？ --最平计你四百五喇。呢只新番o架。 再平少少tim啦… --四百三…真系冇得再平啦，我地赚得好少o架咋。 咁好啦。买两只有冇得再平d呀？ --计你八百五啦。 9. 老细，边只最多人买o架？ --呢只杏仁饼最多人买黎做手信o架，你试下好唔好食再决定罗…… 咦，你台湾 / 大陆o黎o架？ 系呀。/ 唔系，我系台湾o黎o架。 --好多台湾游客都帮衬我地o架，你买多几盒我计你平d啦。 三、 食野 1. 唔该俾个菜牌 / menu我丫。 2. 唔该我要呢个丫(指住menu)。 3. 唔该俾(多)杯水我(地)丫。 (杯水 --> 只碗仔，只杯，对 / 双筷子，只叉，只羹，把刀) 4. 请问公司三文治系咩o黎架？ 5. 唔该埋单 / 找数 丫。 --多谢你五十八蚊。收你一百…找番你四十二蚊。 6. 唔该俾串鱼蛋我丫。 --要唔要辣呀？ 好丫唔该 / 唔使啦唔该。 7. 唔该我要一个鸡蛋仔。 --多谢你6蚊丫。 8. 唔该五花茶几钱呀？ --5蚊。 四、 其他 1. 我叫______，我系台湾o黎架，我锺意左______好耐o架啦，今次特登黎睇佢演唱会架。 2. 唔该可唔可以帮我地影张相呀？ 禁呢个掣就得架啦。麻烦你我要影到整个牌坊喎… --你地企埋少少丫…准备，一、二、三… 唔该影多张丫… (影相..) --你地睇下 O 唔 OK 丫~ 唔该晒！ 3. 请问呢度影唔影得相o架？ 4. 请问你地开到几点o架？ / 请问你地o既营业时间系…？ --我地开到10点o架。 / 朝早11点到夜晚10点。 5. (希望不会用到…- -|||) 救命呀！唔该帮手打999 报警 / call白车丫！ THE END --

※ 发信站: 批踢踢实业坊(ptt.cc) ◆ From: 140.112.216.47