來源：東網 9月14日(一) http://hk.on.cc/hk/bkn/cnt/entertainment/20150914/mobile/bkn-20150914232127896 -0914_00862_001.html 煲劇是最佳減壓節目，深宵時段重睇經典劇集已成為大眾集體回憶經典劇時段，不少打工 仔情願捱眼瞓都要對住電視機想當年。向來緊貼所有娛樂熱話的《東網巨星》App，繼推 出《港姐任你Like》後，今次與無綫搞搞新意思，於今午推出全新投票活動《重播你有Sa y》，於芸芸經典劇中嚴選十劇讓大家畀Like，展開為期兩周的投票活動（截止投票日期 為9月28日下午4時）。 連結 http://on.cc/tvbdrama 無綫順應民意 無綫方面待終極經典劇誕生後，將緊接劇集《大鬧廣昌隆》於10月5日深宵時段播放，今 次《東網》巴絲有晒話事權，任何一票都好重要。投票將分兩個階段進行，第一階段除了 有入圍的十套經典劇的精彩劇照、片段及故事簡介外，《東網巨星》facebook還設立必睇 推薦位，為各位巴絲解構各經典劇，透明度十足。第二階段則將於下星期展開。投票方法 簡單，只要喺心水劇集度撳Like，即成功投票，投票不設上限，十套入圍的劇集都喜歡的 話，大可Like足十套！ 視帝后熱捧《執到寶》 《東網》亦率先找來藝人朋友進行投票，視帝黎耀祥（祥仔）及視后胡杏兒不約而同揀《 執到寶》，祥仔更自言小時候看該劇印象深刻：「套劇有講少少鬼上身，但又唔係好恐怖 ，都幾得意、幾有感情，圍繞一家人嘅親情咁處理，當時嚟講係好新嘅題材，一套劇有咁 多元素係好難、好考究，有耳目一新嘅感覺。」杏兒雖然未曾看過該劇，但早已聽聞該劇 是經典：「我知甘國亮有份演亦有份編，喺劇入面佢仲有踩雪屐，不過踩成點我就唔知， 所以咪好想睇囉！」 陳凱琳愛《男親女愛》 「女神」界別代表陳凱琳（Grace）與傅嘉莉（Kelly），則選擇了黃子華、鄭裕玲火花不 斷的《男親女愛》，當年該劇收視高達50點，Grace大讚該對黃金組合既搞笑又好睇：「 當年我喺加拿大睇帶，都睇咗兩、三次，兩位主角好有火花，好少電視熒幕情侶咁爆，成 日鬧大交，唔係一起步就情情塔塔。（邊幕最難忘？）食龜苓膏嗰幕，子華仲生咗粒暗瘡 ，但佢死拗話自己青春，Do姐為證明自己青春，即刻買好多龜苓膏食，結果就爆好多粒暗 瘡，真係好好笑囉！」Kelly則表示家人一直大讚該劇，但自己就未有機會欣賞，她說： 「我好欣賞佢兩個，亦有睇開Do姐嘅戲同子華嘅Talk Show，兩位都好有才華，擦出火花 好多人鍾意，所以梗係想追番呢套劇啦。」 9/15戰況：一位《男親女愛》、二位《義不容情》、三位《新紮師兄》 --

※ 發信站: 批踢踢實業坊(ptt.cc), 來自: 180.177.43.27 ※ 文章網址: https://webptt.com/m.aspx?n=bbs/HK-drama/M.1442334664.A.3CD.html