来源：东网 9月14日(一) http://hk.on.cc/hk/bkn/cnt/entertainment/20150914/mobile/bkn-20150914232127896 -0914_00862_001.html 煲剧是最佳减压节目，深宵时段重睇经典剧集已成为大众集体回忆经典剧时段，不少打工 仔情愿捱眼瞓都要对住电视机想当年。向来紧贴所有娱乐热话的《东网巨星》App，继推 出《港姐任你Like》後，今次与无綫搞搞新意思，於今午推出全新投票活动《重播你有Sa y》，於芸芸经典剧中严选十剧让大家畀Like，展开为期两周的投票活动（截止投票日期 为9月28日下午4时）。 连结 http://on.cc/tvbdrama 无綫顺应民意 无綫方面待终极经典剧诞生後，将紧接剧集《大闹广昌隆》於10月5日深宵时段播放，今 次《东网》巴丝有晒话事权，任何一票都好重要。投票将分两个阶段进行，第一阶段除了 有入围的十套经典剧的精彩剧照、片段及故事简介外，《东网巨星》facebook还设立必睇 推荐位，为各位巴丝解构各经典剧，透明度十足。第二阶段则将於下星期展开。投票方法 简单，只要喺心水剧集度揿Like，即成功投票，投票不设上限，十套入围的剧集都喜欢的 话，大可Like足十套！ 视帝后热捧《执到宝》 《东网》亦率先找来艺人朋友进行投票，视帝黎耀祥（祥仔）及视后胡杏儿不约而同拣《 执到宝》，祥仔更自言小时候看该剧印象深刻：「套剧有讲少少鬼上身，但又唔系好恐怖 ，都几得意、几有感情，围绕一家人嘅亲情咁处理，当时嚟讲系好新嘅题材，一套剧有咁 多元素系好难、好考究，有耳目一新嘅感觉。」杏儿虽然未曾看过该剧，但早已听闻该剧 是经典：「我知甘国亮有份演亦有份编，喺剧入面佢仲有踩雪屐，不过踩成点我就唔知， 所以咪好想睇罗！」 陈凯琳爱《男亲女爱》 「女神」界别代表陈凯琳（Grace）与傅嘉莉（Kelly），则选择了黄子华、郑裕玲火花不 断的《男亲女爱》，当年该剧收视高达50点，Grace大赞该对黄金组合既搞笑又好睇：「 当年我喺加拿大睇带，都睇咗两、三次，两位主角好有火花，好少电视荧幕情侣咁爆，成 日闹大交，唔系一起步就情情塔塔。（边幕最难忘？）食龟苓膏嗰幕，子华仲生咗粒暗疮 ，但佢死拗话自己青春，Do姐为证明自己青春，即刻买好多龟苓膏食，结果就爆好多粒暗 疮，真系好好笑罗！」Kelly则表示家人一直大赞该剧，但自己就未有机会欣赏，她说： 「我好欣赏佢两个，亦有睇开Do姐嘅戏同子华嘅Talk Show，两位都好有才华，擦出火花 好多人锺意，所以梗系想追番呢套剧啦。」 9/15战况：一位《男亲女爱》、二位《义不容情》、三位《新紮师兄》 --

※ 发信站: 批踢踢实业坊(ptt.cc), 来自: 180.177.43.27 ※ 文章网址: https://webptt.com/cn.aspx?n=bbs/HK-drama/M.1442334664.A.3CD.html