公視新聞網 https://news.pts.org.tw/article/828701 中秋月老生 霞海城隍廟辦祝壽團拜求好人緣 https://www.youtube.com/watch?v=iAL6UXE7y-c 發布時間：2026/9/25 20:38 更新時間：2026/9/25 20:38 郭育圻 楊舒晴 王志剛 綜合報導 今仔日 (9/25) 是中秋節也是月下老人佮土地公的生日，臺北霞海城隍廟招民眾向月下老 人祝壽團拜求好人緣也求好姻緣，啊若咱作穡人，其實佇中秋節這日也有一種佇田裡插土 地公枴的風俗，來答謝土地公望伊保庇有好收成。（新聞標題、導言為台語文） 鄭宇汘/編輯 ===== 祝你生日快樂，祝你生日快樂。 民眾同齊唱歌替月老佮土地公祝壽，拜五是中秋，也是兩位神明的生日。臺北霞海城隍廟 的頭前，人挨挨陣陣，排隊領姻緣餅，求好人緣。 臺北霞海城隍廟管理人 陳文文： 月老是啥物意思，就是拜愈老，感情閣較好。當然一般少年人講，我是欲求一个好對象， 按呢閣較好。 啊若作穡人，是會佇中秋日裡，佇田裡插土地公拐，用竹仔、博金佮三欉香，做一枝柺仔 予土地公伯仔巡田水較方便，答謝伊的庇佑，向望有好收成。 農民 黃先生 vs. 彰化縣莿仔埤圳產業文化協會執行長 巫宛萍： 收成，車來載，平平順順，會使趁錢按呢（了解）。算講順利平安，予咱五穀豐收以外， 閣有予咱農民做穡攏平安順序。 民俗亂彈執行編輯 溫宗漢： 用觀音竹佮福金，以及咱拜土地公的三欉清香，用遮的做一支枴仔，用福金佮香囥橫的， 用觀音竹共這个福金鋏牢咧，這就形成一个土（字形）的概念，因為你共這个枴仔插佇咧 塗裡，彼个塗的所在，就是上下底彼條。 學者表示，俗語講：「田頭田尾土地公」，土地公佇傳統社會是真重要的信仰，啊若現代 人也會拜土地公，向伊祈福、求財、感恩。另外，佇中秋節祭祖，也有月圓人團圓的意義 。 --

※ 發信站: 批踢踢實業坊(ptt.cc), 來自: 111.255.97.4 (臺灣) ※ 文章網址: https://webptt.com/m.aspx?n=bbs/Gossiping/M.1790346540.A.5BF.html