公视新闻网 https://news.pts.org.tw/article/828701 中秋月老生 霞海城隍庙办祝寿团拜求好人缘 https://www.youtube.com/watch?v=iAL6UXE7y-c 发布时间：2026/9/25 20:38 更新时间：2026/9/25 20:38 郭育圻 杨舒晴 王志刚 综合报导 今仔日 (9/25) 是中秋节也是月下老人佮土地公的生日，台北霞海城隍庙招民众向月下老 人祝寿团拜求好人缘也求好姻缘，啊若咱作穑人，其实伫中秋节这日也有一种伫田里插土 地公拐的风俗，来答谢土地公望伊保庇有好收成。（新闻标题、导言为台语文） 郑宇汘/编辑 ===== 祝你生日快乐，祝你生日快乐。 民众同齐唱歌替月老佮土地公祝寿，拜五是中秋，也是两位神明的生日。台北霞海城隍庙 的头前，人挨挨阵阵，排队领姻缘饼，求好人缘。 台北霞海城隍庙管理人 陈文文： 月老是啥物意思，就是拜愈老，感情阁较好。当然一般少年人讲，我是欲求一个好对象， 按呢阁较好。 啊若作穑人，是会伫中秋日里，伫田里插土地公拐，用竹仔、博金佮三欉香，做一枝柺仔 予土地公伯仔巡田水较方便，答谢伊的庇佑，向望有好收成。 农民 黄先生 vs. 彰化县莿仔埤圳产业文化协会执行长 巫宛萍： 收成，车来载，平平顺顺，会使趁钱按呢（了解）。算讲顺利平安，予咱五谷丰收以外， 阁有予咱农民做穑拢平安顺序。 民俗乱弹执行编辑 温宗汉： 用观音竹佮福金，以及咱拜土地公的三欉清香，用遮的做一支拐仔，用福金佮香囥横的， 用观音竹共这个福金铗牢咧，这就形成一个土（字形）的概念，因为你共这个拐仔插伫咧 涂里，彼个涂的所在，就是上下底彼条。 学者表示，俗语讲：「田头田尾土地公」，土地公伫传统社会是真重要的信仰，啊若现代 人也会拜土地公，向伊祈福、求财、感恩。另外，伫中秋节祭祖，也有月圆人团圆的意义 。 --

※ 发信站: 批踢踢实业坊(ptt.cc), 来自: 111.255.97.4 (台湾) ※ 文章网址: https://webptt.com/cn.aspx?n=bbs/Gossiping/M.1790346540.A.5BF.html