李玟做老闆娘唔管數 想世界各地開分店 香港蘋果日報 http://hk.apple.nextmedia.com/enews/realtime/20151202/54490873 http://tinyurl.com/jpmny74 http://tinyurl.com/zgmf4ce 李玟(CoCo)老公Bruce同盛智文以及美籍韓裔名廚Judy Joo合作搞嘅新派韓國餐 廳，噚晚喺蘭桂坊開幕，三位老闆一早到場，李玟當然亦有出席撐老公。 CoCo訪問時表示，老公Bruce之前都開過餐飲店，開呢間餐廳係因為Bruce個女喺 倫敦呢間分店開生日會，覺得好好食，所以同老公去嗰度試，佢話:「試完覺得 好正，覺得一定要帶嚟香港，到今日開張好似媽咪咁，3月份開始傾，好快成事 ，老公係大股東，投資幾多就唔講，總之好多，自己每一日都想嚟呢度食嘢。」 香港韓國餐館都好多，驚唔驚飽和呢?CoCo話:「呢間有啲唔，新派，相信都吸引 到人幫襯，自己同老公最鐘意炸雞同素菜餃。」驚唔驚肥?佢話:「都驚，錄緊新 碟，都要控制下自己，未來都希望做好香港呢間店，喺全世界大城市都開分店， 內地就喺上海北京開。」會管數?佢話:「數我一向唔叻，有專人管，睇下日常運 作，比新諗法佢哋去創造。」 杜德偉就同太太一齊到場，佢話星期六會去雲頂登台，太太係咁煮健康食物，外 母又煲蟲草湯，補到爆晒，記者笑笑係咪順便補造人，佢就話:「真係好多嘢做 ，又要演唱會，又要做新歌，明年好多計劃，造人都係其一。」問幾時有好消息 ，佢話:「大家成日都問，好似成日造唔到咁，會努力，個天比嘅，順其自然， 會用好多愛去做，出嚟個BB一定好有愛心。」 問朋友有冇比秘方佢，佢話:「有，包括梁家輝，曾志偉，拉姑都有比生仔秘方 我，不過O依家都係用自己方法，順其自然，天俾我時我就會有。」會唔會用外 來方法?佢話唔會。 問佢點樣慶祝聖誕，杜德偉話完咗雲頂登台，就去台灣錄歌同傾工作，聖誕唔會 出外，同太太有默契:「佢知道老公工作大時大節係忙，唔會詐型，太太好好， 可能遲啲，唔係節日時去旅行靜啲，不過農曆年一定會同太太屋企人一齊，佢屋 企好多成員，要集合大家意見幾考功夫，但一定會一齊去旅行。」 --

※ 發信站: 批踢踢實業坊(ptt.cc), 來自: 1.163.71.245 ※ 文章網址: https://webptt.com/m.aspx?n=bbs/CoCo/M.1449026829.A.ED3.html