李玟做老板娘唔管数 想世界各地开分店 香港苹果日报 http://hk.apple.nextmedia.com/enews/realtime/20151202/54490873 http://tinyurl.com/jpmny74 http://tinyurl.com/zgmf4ce 李玟(CoCo)老公Bruce同盛智文以及美籍韩裔名厨Judy Joo合作搞嘅新派韩国餐 厅，噚晚喺兰桂坊开幕，三位老板一早到场，李玟当然亦有出席撑老公。 CoCo访问时表示，老公Bruce之前都开过餐饮店，开呢间餐厅系因为Bruce个女喺 伦敦呢间分店开生日会，觉得好好食，所以同老公去嗰度试，佢话:「试完觉得 好正，觉得一定要带嚟香港，到今日开张好似妈咪咁，3月份开始倾，好快成事 ，老公系大股东，投资几多就唔讲，总之好多，自己每一日都想嚟呢度食嘢。」 香港韩国餐馆都好多，惊唔惊饱和呢?CoCo话:「呢间有啲唔，新派，相信都吸引 到人帮衬，自己同老公最钟意炸鸡同素菜饺。」惊唔惊肥?佢话:「都惊，录紧新 碟，都要控制下自己，未来都希望做好香港呢间店，喺全世界大城市都开分店， 内地就喺上海北京开。」会管数?佢话:「数我一向唔叻，有专人管，睇下日常运 作，比新谂法佢哋去创造。」 杜德伟就同太太一齐到场，佢话星期六会去云顶登台，太太系咁煮健康食物，外 母又煲虫草汤，补到爆晒，记者笑笑系咪顺便补造人，佢就话:「真系好多嘢做 ，又要演唱会，又要做新歌，明年好多计划，造人都系其一。」问几时有好消息 ，佢话:「大家成日都问，好似成日造唔到咁，会努力，个天比嘅，顺其自然， 会用好多爱去做，出嚟个BB一定好有爱心。」 问朋友有冇比秘方佢，佢话:「有，包括梁家辉，曾志伟，拉姑都有比生仔秘方 我，不过O依家都系用自己方法，顺其自然，天俾我时我就会有。」会唔会用外 来方法?佢话唔会。 问佢点样庆祝圣诞，杜德伟话完咗云顶登台，就去台湾录歌同倾工作，圣诞唔会 出外，同太太有默契:「佢知道老公工作大时大节系忙，唔会诈型，太太好好， 可能迟啲，唔系节日时去旅行静啲，不过农历年一定会同太太屋企人一齐，佢屋 企好多成员，要集合大家意见几考功夫，但一定会一齐去旅行。」 --

※ 发信站: 批踢踢实业坊(ptt.cc), 来自: 1.163.71.245 ※ 文章网址: https://webptt.com/cn.aspx?n=bbs/CoCo/M.1449026829.A.ED3.html