[頭條日報]at17 別離．序 　每次跟at17做訪問，除了總是在愉快的氣氛下完成，更驚訝是二人金句愈來愈多了， 一定是同公司有楊千嬅、藍奕邦這些金句達人的磁場所影響的。在樂壇當中，at17從 來都是一抹清泉，音樂零添加，單純得有點不真實。雖然不至於不吃人間煙火，卻不 願隨波逐流，這就是永遠有一班人支持她們、疼愛她們的緣故。09年at17實在活躍， 推出了兩張EP、出演了多個自己的、別人的，又或是跟人孖份的音樂會，忙碌但絕對 開心。新一年，他們以別離作序，說的不是要拆夥、分開發展，而是名為《Just the two of us......until we meet again live》at17招牌的兩個人音樂會，二人 最真誠地跟樂迷分享音樂喜好，就是大家喜歡at17的樣子。 離開，是為了回來 　　T：新一年以兩個人兩支結他的音樂會作序幕，而且賣飛賣得好到要加場，開心吧？ 　　E：很厲害，人o地加場我o地又加場。還要三分鐘就賣晒預售飛。 　　Y：呢個騷做了三年，第一次加場咋。究竟三分鐘係邊個計o既呢？ 　　T：今年音樂會有個主題，係別離，有甚麼特別意思？ 　　E：以往唔會特別定咩theme，比較隨意，唱自己歌之餘，仲會唱那陣子重新編曲 過又只唱了一次的歌，開騷就唱多次。今次揀個主題，方便了fans向我們提議可以唱 咩歌。 　　 　　Y：上兩次好多心事講，講自己窮、講感情，又或者講屋企人，呢o的階段都過晒 o啦，成長唔少。而且09年我同阿妹各自做o左好多o野，佢做Sammi演唱會，我做「林 一二」演唱會，今次可以講係我o地o既重逢，只有我o地兩個o既騷，連band都無，大 家可以睇o下我o地學了甚麼，一齊分享o下。同歌迷認識咁多年，都算朋友啦，都希 望大家帶得走好快樂o既一個晚上，雖然主題係別離，但係係開心o既別離。離開，是 為了回來。 　　E：仲有係趁情人節前夕識o下人，呢個騷最大o既賣點，係o係情人節前夕舉行， o黎得都係好男仔、好女仔，識o左之後仲有一星期時間俾你諗清楚係咪約出o黎，都 真係呢個騷o既效用，總之大家著靚o的入場。at17.net fans 　　T：已經想好rundown了嗎，會唱甚麼歌？ 　　Y：仲度緊rundown，o係網上見到fans有些意見真係幾好，有些歌我們很久沒唱 了，如黃耀明 的〈如果你愛我〉、楊千嬅的〈魂斷威尼斯〉，我發現有時fans未必 想要新o野，有些以前唱過，他們好想聽番。 　　 　　T：關於別離又有甚麼歌會唱？ 　　Y：〈現代愛情故事〉。亦有人建議我唱〈給自己的信〉呢 　　E：〈捨不得你〉、〈誰願放手〉。還有Fiona的〈給十年後的我〉，Wyman填的 詞，都好好聽。 鬧交好辛苦 　　T：at17經歷過最深刻的別離又是…… 　　E：其實我o地係全香港樂壇最多別離次數o既組合，最特別我o地係獨立個體，但 一走埋一齊就係at17，唔需要講太多，好自然。要數最深刻，應該係我o地第一次o既 別離，我做《一期一會》，二汶就寫書。o個時最痛苦係，o個時o既成就與失敗都係你 一個人o既。其實我已經好o的，做舞台劇身邊有一班演員，但始終無一個人好似二汶 咁了解我，我每次上台前o既壓力，佢最知道，會拍一拍我：「喂，唔使緊張。」雖然 係簡單一句，都好重要。 　　Y：那時候真係好大壓力，寫書時有好多心理關口要過，因為寫細個肥被人蝦o既 回憶，我仲要將呢o的o野轉化成正能量，自己就一定要過o左個關卡先。同阿哥做「林 一二」o既時候，因為我同阿哥成日鬧交，我就諗起我同Ellen唔會係咁，我o地都知道 鬧完交上台會好辛苦，所以係唔會鬧交o既。o個次係另一個考驗，我同阿哥分開做o 左咁多年，一時間唔會有o既，就係我同阿妹合作多年建立o既默契。 　　T：09年at17很忙碌，有一同參與的企劃，也有個人的project，滿意成績嗎？ 　　Y：我覺得09年係個人成熟o既一年，今年我個人做過音樂劇，之後我o地一齊做 Colour Live，年尾推出o既《Blue EP》入面，我演唱的表現、她produce o既功夫， 編曲、寫歌，聽得出佢o係寫歌方面愈來愈有一種很怪、很alternative，但又有一點 popo既元素，你一定會記得o既，係要磨練一段時間至會做到，而佢終於掌握到，而 唔係撞手神o既。我自己呢，則o係舞台上點樣講故仔，點樣唱歌，更通透了。我o地 出道第九年啦，好多組合已經改朝換代，但at17仲o係度，已經係成就了，有些人永 遠唔會忘記at17，已經好值得驕傲。 　　E：二汶講得無錯，09年對我而言係好多創作o既一年，令自己在創作上多了信心 ，從創作中得到好多歡樂。我o地個少o左在乎別人眼光o既想法，唔係化，而係別人會 有自己意見，唔代表我o地做得唔o岩，如果大家覺得我o地賺唔到錢，就唔適合o係呢 一行搵食，我可以好自豪咁講，你唔知道我學到甚麼，開始可以好peaceful咁面對意見 。 　　資料來源 : 東TOUCH --

※ 發信站: 批踢踢實業坊(ptt.cc) ◆ From: 118.171.192.221