[头条日报]at17 别离．序 　每次跟at17做访问，除了总是在愉快的气氛下完成，更惊讶是二人金句愈来愈多了， 一定是同公司有杨千嬅、蓝奕邦这些金句达人的磁场所影响的。在乐坛当中，at17从 来都是一抹清泉，音乐零添加，单纯得有点不真实。虽然不至於不吃人间烟火，却不 愿随波逐流，这就是永远有一班人支持她们、疼爱她们的缘故。09年at17实在活跃， 推出了两张EP、出演了多个自己的、别人的，又或是跟人孖份的音乐会，忙碌但绝对 开心。新一年，他们以别离作序，说的不是要拆夥、分开发展，而是名为《Just the two of us......until we meet again live》at17招牌的两个人音乐会，二人 最真诚地跟乐迷分享音乐喜好，就是大家喜欢at17的样子。 离开，是为了回来 　　T：新一年以两个人两支结他的音乐会作序幕，而且卖飞卖得好到要加场，开心吧？ 　　E：很厉害，人o地加场我o地又加场。还要三分钟就卖晒预售飞。 　　Y：呢个骚做了三年，第一次加场咋。究竟三分钟系边个计o既呢？ 　　T：今年音乐会有个主题，系别离，有甚麽特别意思？ 　　E：以往唔会特别定咩theme，比较随意，唱自己歌之余，仲会唱那阵子重新编曲 过又只唱了一次的歌，开骚就唱多次。今次拣个主题，方便了fans向我们提议可以唱 咩歌。 　　 　　Y：上两次好多心事讲，讲自己穷、讲感情，又或者讲屋企人，呢o的阶段都过晒 o啦，成长唔少。而且09年我同阿妹各自做o左好多o野，佢做Sammi演唱会，我做「林 一二」演唱会，今次可以讲系我o地o既重逢，只有我o地两个o既骚，连band都无，大 家可以睇o下我o地学了甚麽，一齐分享o下。同歌迷认识咁多年，都算朋友啦，都希 望大家带得走好快乐o既一个晚上，虽然主题系别离，但系系开心o既别离。离开，是 为了回来。 　　E：仲有系趁情人节前夕识o下人，呢个骚最大o既卖点，系o系情人节前夕举行， o黎得都系好男仔、好女仔，识o左之後仲有一星期时间俾你谂清楚系咪约出o黎，都 真系呢个骚o既效用，总之大家着靓o的入场。at17.net fans 　　T：已经想好rundown了吗，会唱甚麽歌？ 　　Y：仲度紧rundown，o系网上见到fans有些意见真系几好，有些歌我们很久没唱 了，如黄耀明 的〈如果你爱我〉、杨千嬅的〈魂断威尼斯〉，我发现有时fans未必 想要新o野，有些以前唱过，他们好想听番。 　　 　　T：关於别离又有甚麽歌会唱？ 　　Y：〈现代爱情故事〉。亦有人建议我唱〈给自己的信〉呢 　　E：〈舍不得你〉、〈谁愿放手〉。还有Fiona的〈给十年後的我〉，Wyman填的 词，都好好听。 闹交好辛苦 　　T：at17经历过最深刻的别离又是…… 　　E：其实我o地系全香港乐坛最多别离次数o既组合，最特别我o地系独立个体，但 一走埋一齐就系at17，唔需要讲太多，好自然。要数最深刻，应该系我o地第一次o既 别离，我做《一期一会》，二汶就写书。o个时最痛苦系，o个时o既成就与失败都系你 一个人o既。其实我已经好o的，做舞台剧身边有一班演员，但始终无一个人好似二汶 咁了解我，我每次上台前o既压力，佢最知道，会拍一拍我：「喂，唔使紧张。」虽然 系简单一句，都好重要。 　　Y：那时候真系好大压力，写书时有好多心理关口要过，因为写细个肥被人虾o既 回忆，我仲要将呢o的o野转化成正能量，自己就一定要过o左个关卡先。同阿哥做「林 一二」o既时候，因为我同阿哥成日闹交，我就谂起我同Ellen唔会系咁，我o地都知道 闹完交上台会好辛苦，所以系唔会闹交o既。o个次系另一个考验，我同阿哥分开做o 左咁多年，一时间唔会有o既，就系我同阿妹合作多年建立o既默契。 　　T：09年at17很忙碌，有一同参与的企划，也有个人的project，满意成绩吗？ 　　Y：我觉得09年系个人成熟o既一年，今年我个人做过音乐剧，之後我o地一齐做 Colour Live，年尾推出o既《Blue EP》入面，我演唱的表现、她produce o既功夫， 编曲、写歌，听得出佢o系写歌方面愈来愈有一种很怪、很alternative，但又有一点 popo既元素，你一定会记得o既，系要磨练一段时间至会做到，而佢终於掌握到，而 唔系撞手神o既。我自己呢，则o系舞台上点样讲故仔，点样唱歌，更通透了。我o地 出道第九年啦，好多组合已经改朝换代，但at17仲o系度，已经系成就了，有些人永 远唔会忘记at17，已经好值得骄傲。 　　E：二汶讲得无错，09年对我而言系好多创作o既一年，令自己在创作上多了信心 ，从创作中得到好多欢乐。我o地个少o左在乎别人眼光o既想法，唔系化，而系别人会 有自己意见，唔代表我o地做得唔o岩，如果大家觉得我o地赚唔到钱，就唔适合o系呢 一行搵食，我可以好自豪咁讲，你唔知道我学到甚麽，开始可以好peaceful咁面对意见 。 　　资料来源 : 东TOUCH --

※ 发信站: 批踢踢实业坊(ptt.cc) ◆ From: 118.171.192.221