【勁過麥當娜】舞台似變形金剛 城城坐火箭飛上山頂 2016-07-21 18:44:00 HKT 《郭富城舞林密碼世界巡迴演唱會》下個月就舉行喇，今次一共有12場演出，今日「城城 」郭富城（Aaron）就同製作班底喺將軍澳邵氏片廠舉行宣傳活動。 城城風騷擺動舞姿出場，介紹今次嘅四面台將打破傳統呈現火箭形，取名為「火箭一號」 ，花咗歷年嚟最高製作費5,000萬，仲開始為演唱會倒數30日，即場連同40位舞蹈員演繹 《孫悟空》。 城城透露火箭舞台可伸延至觀眾席腰間或山頂位置，同觀眾接觸，所以名為火箭一號，由 數碼舞台同數碼燈光配合，複雜到變形金剛一樣。城城不時強調今次個唱有宇宙黑洞概念 、有神秘元素，直指舞台危機十足，仲話：「想挑戰自己，今次係世界級都未必有嘅舞台 ，自己都睇過麥當娜（Madonna）、米高積遜（ Michael Jackson）同韓國演唱會，好多 都唔同。」 咁危險阿媽同女友咪好擔心？城城避談女友，只係話：「阿媽知我開演唱會，叫我畀心機 ，到時會嚟睇，係我好大動力。」咁女友方媛（Moka）呢？城城繼續保密，笑住話：「唔 答住，多謝關心，一工作我就會忘我。」方媛曾喺網上為城城護膚品牌宣傳，城城話多謝 佢，至於係咪唔批准女友捧場？佢話：「點會點會，係朋友都想佢哋嚟分享我努力，唔好 錯過我演出。」 照片沒上一篇報導高清，就不放了，有興趣的自己點連結去看吧～ 新聞來源: 香港蘋果日報 http://goo.gl/ctJw9U --

※ 發信站: 批踢踢實業坊(ptt.cc), 來自: 61.228.117.129 ※ 文章網址: https://webptt.com/m.aspx?n=bbs/AaronKwok/M.1469105235.A.6F2.html