【劲过麦当娜】舞台似变形金刚 城城坐火箭飞上山顶 2016-07-21 18:44:00 HKT 《郭富城舞林密码世界巡回演唱会》下个月就举行喇，今次一共有12场演出，今日「城城 」郭富城（Aaron）就同制作班底喺将军澳邵氏片厂举行宣传活动。 城城风骚摆动舞姿出场，介绍今次嘅四面台将打破传统呈现火箭形，取名为「火箭一号」 ，花咗历年嚟最高制作费5,000万，仲开始为演唱会倒数30日，即场连同40位舞蹈员演绎 《孙悟空》。 城城透露火箭舞台可伸延至观众席腰间或山顶位置，同观众接触，所以名为火箭一号，由 数码舞台同数码灯光配合，复杂到变形金刚一样。城城不时强调今次个唱有宇宙黑洞概念 、有神秘元素，直指舞台危机十足，仲话：「想挑战自己，今次系世界级都未必有嘅舞台 ，自己都睇过麦当娜（Madonna）、米高积逊（ Michael Jackson）同韩国演唱会，好多 都唔同。」 咁危险阿妈同女友咪好担心？城城避谈女友，只系话：「阿妈知我开演唱会，叫我畀心机 ，到时会嚟睇，系我好大动力。」咁女友方媛（Moka）呢？城城继续保密，笑住话：「唔 答住，多谢关心，一工作我就会忘我。」方媛曾喺网上为城城护肤品牌宣传，城城话多谢 佢，至於系咪唔批准女友捧场？佢话：「点会点会，系朋友都想佢哋嚟分享我努力，唔好 错过我演出。」 照片没上一篇报导高清，就不放了，有兴趣的自己点连结去看吧～ 新闻来源: 香港苹果日报 http://goo.gl/ctJw9U --

※ 发信站: 批踢踢实业坊(ptt.cc), 来自: 61.228.117.129 ※ 文章网址: https://webptt.com/cn.aspx?n=bbs/AaronKwok/M.1469105235.A.6F2.html