图文版： http://www.eastweek.com.hk/index.php?aid=12834 bbs文字版： 看杨怡，大大话话四、五年，早年是路人、节目主持、小警花，在《家好月圆》的「攞女 」之後，近来最深刻印象的，是《谈情说案》中在海旁被太子峯拒绝，喊苦喊忽那一场， 其後还被剪进《荃加福禄寿》。 早前在《点解阿Sir系阿Sir》中，杨怡又要对住男人狂流开心眼泪，对手则是笋盘豪。 爱情，终究是无綫剧集的主要元素。 「唔止无綫嘅戏，我觉得所有戏都离唔开爱情桥段，因为戏反映紧人嘅生活，少咗呢啲就 觉得人生唔完整。爱情喺每一套入面占咗好重要嘅地位，如果一套戏冇爱情，观众都会觉 得好dry、好闷！系好主线嘅一样嘢！冇咗爱情、冇咗亲情，人生仲有咩好讲？冇嘢好讲 ！」 女人是水造的产品，会为情而哭。杨怡确信，缘份奇妙，冥冥中定有主宰。性格男仔头的 她，今天或许是爱情的动物，不是撒谎的小木偶。 情海浮潜 当无綫亲生仔女的，很小部分肯具体承认恋情；肯打开天窗说亮话的，都是近数年才加入 无綫大家庭的小花。四大花旦之一的杨怡，愈大愈靓女，腰短腿长，性格爽直，在不少人 眼中，是由内靓到外的级数。 「感情状况？ 寻觅罗！好似个海咁样浮沉啦！（视线即转到窗外的维多利亚港）浮潜呀 应该系！睇吓搵到啲咩，潜紧睇吓有冇啲咩珍宝呀、睇吓有冇啲咩笋嘢呀，捐咗落去呀！ （有冇人approach你？）唔知喎呢啲，唔知喎！呀……唔知喎呢啲嘢！」 她这个独门太极招式叫「连环唔知」，在第一个「唔知」时尽伸左臂，第二个「唔知」时 别过脸儿，第三个「唔知」时已经双手合十，双目紧闭，元神出窍，叫人难以追问下去。 我尚且功力不深，但有财有面的城中富豪，绝对有实力破解杨怡「连环唔知派」太极拳。 「点解我冇（富豪朋友）嘅？冇呀！直头系冇呀！又唔知喎，听又听过、睇杂志都睇过， 我自己又冇喎！冇乜记者会问我呢样嘢，佢哋知道我唔系咁样嘅人嚟！唉，我三步不出闺 门嘅，我匿喺屋企嘅啫，要嚟就嚟我屋企食罗咁样！富豪嚟我屋企食罗！从来都冇抱太大 希望，我个人好随缘，由零开始系最好，行得最稳阵、企得最好，特别呢一行嚟讲，最紧 要睇清自己目标，为啲咩入行。 「喺《宫心计》做奸角，都系为咗争爱咋！我觉得爱情喺古代喺现代，有情有爱嘅地方一 定会有争端罗，等如有金钱就一定有争斗，做人就系咁，最後个目标都系为咗多啲人锡你 。我哋一出世由零开始，唔识得咩叫爱、咩系钱、咩叫亲情，我哋一路喺度学习，大个希 望搵多啲钱之余，都希望能够发挥爱，爱身边嘅人，令多啲人爱你，朋友又好、亲人又好 、自己另一半都好，为咗身边一切不断去努力！」 知足性感 如果杨怡为踏入豪门而入行，她肯定不会在同一间公司打足十二年工，公司也赠她「我最 喜爱的飞跃进步女艺员」、「我最喜爱的电视女角色」和「最佳女配角」等奖项为回报， 可恨距离「视后」殊荣，或尚有距离。 「争一个机会，更加突出嘅角色，因为角色上面你做到未必把握得好，都系要靠自己，努 力再做好啲，机会已经有o架喇其实！其实个个都系，唔单止我，比我等得更加耐、做得 更加耐嘅大有人在。你愿唔愿意用呢啲时间去等罗，你愿意等嘅，终有一日畀你等到。可 能有啲人中途采取放弃态度，另觅一样嘢原来自己更大兴趣嘅，可能会转行。对我嚟讲， 我暂时满意现状，我觉得我做人但求问心无愧，所有奖项都系bonus。系咪睇得好化呀？ 我一路做人宗旨都系咁，我对得住自己，我妈咪又会开心，赚到钱畀佢享福，畀佢做吓 facial叹吓世界已经够。虽然唔多、唔会话好富裕，有假期可以同佢一齐去玩吓，我个人 好知足！」 杨怡知足的，还有自己的样貌和身材。知足到，几乎只留予自己欣赏，某年台庆的大 deep V总算聊胜於无。 「我留短头发，因为易打理，我系一个锺意快嘅人，锺意爽手爽脚，咩都快快快快快！ 「背心少少我都唔锺意着o架，我锺意好舒服、好casual、好sporty嘅，我唔锺意着住高 踭鞋『滴滴哒哒』走嚟走去，高踭鞋系留番工作时着。工作时已经化住妆，个个都认到你 ，出到街要有番自己私人时间，唔使咁艳丽。我本身个人性格系锺意踏实啲做好自己嘅嘢 令到观众认识，依家性感系希望提升自己美丽，觉得自己有女人味。 「都要身边人鼓励你：『你着到o架！着裙啦！』咁样，都有公司嘅人鼓励，令自己着衫 大胆，好多时杂志提供嘅衫都会少少性感，会扩阔自己眼界，都会大胆咗。同埋个人大个 咗，自信高咗都会唔同啲。」 自我价值 女孩子追求爱情，为的不过是找个归宿，组织自己家庭。杨怡姊姊杨卓娜与未婚夫共育有 三个女儿，看见姊姊甜蜜的家庭生活，有否促使杨怡加快组织自己家庭？ 「我又冇呢种感觉喎，我想我身边嘅人好幸福，我开始兼顾埋佢个女o架喇，帮佢孭一半 奶粉罗，帮佢孭一半基金，帮佢努力啲搵钱，供吓佢读书罗。我锡佢哋就够，哗！要凑女 ，好辛苦！都系唔好烦咁多呢啲。」 老实说，在娱乐圈，艺人间不和传闻、坏鬼杂志封面，都是更烦人的事情。 「呢啲避免唔到，呢一行已经系假，大家已经戴住假面具做人。戏里，真系戴住个面具去 做戏，系假o架喇。戏外，梗系要留番少少自己嘅时间啦，呢啲嘢好正常。一拍完之後， 梗系大家坐埋一边唞吓啦系咪先？已经畀人会传不和！ 「封面当然要有，都希望正面啲嘅。写衰咪由得佢写罗，佢都系要销量啫！如果我个封面 可以帮到佢销量应该要多谢我！梗系啦！我养起佢喎！我养紧你哋啲米饭喎！你嘅销量都 要靠我封面啫，我冇价值人哋唔买你都唔出啦，啱唔啱呀？」 这篇专访不是封面，也没有写衰，但也养了不少同事米饭，证明坦承不爱做访问的杨怡小 姐，是有价值的。 现代小燕子 电视剧《还珠格格》可算是经典，有网上讨论区谈及，如在这个年代起用无綫当家小生花 旦重演，杨怡不是紫薇，便是小燕子。 「我会拣做赵薇嘅角色，唔系因为佢系女主角， 因为我想做一个唔好哭哭啼啼嘅角色， 因为我遇得太多哭哭啼啼角色，我做好多角色都要喊好多，赵薇呢个系一个大悲大喜嘅人 嚟，佢喊得好尽情，好发泄佢嘅喊，佢一笑又好开朗，永远都处於一种好乐观好正义嘅心 态。我会锺意呢种角色，负担唔大。我都有啲神经质，short short哋o架！」 小燕子纵然惹人喜爱，和五阿哥永琪有情人终成眷属前，也经历不少苦楚。观众看谈感情 谈得目光游离的杨怡，在公仔箱内流泪太多了，相信也不希望她在现实的情路上受太多苦 。 始终，情路太翻波，很伤身的。 --

※ 发信站: 批踢踢实业坊(ptt.cc) ◆ From: 118.170.215.129