转贴博客来网页： https://www.books.com.tw/products/0010990381?loc=P_0005_001 都柏林人（台文版） 原文作者：James Joyce 译者： 刘盈成 语言：繁体中文 出版社：前卫 出版日期：2024/06/05 9折$405 $450 内容简介 爱吕兰文学家詹斯．若依斯（James Joyce） 二十世纪现代小说开基之作《都柏林人》 头一部全台文译本，展现全新ê经典风采 　　《都柏林人》（1914）是爱吕兰文学家詹斯．若依斯头一部重要作品，由十五篇短篇小 说来组成。伊提爱吕兰ê首都、伊ê故乡「都柏林」做舞台，掠一阵无存在感ê市民做主角， 描写二十世纪初ê都柏林，uì囡仔、青年、大人到社会四常ê故事，表现 五花十色ê内心面 目。若依斯用写实ê笔路，按步来黜破都柏林茫渺昏迷ê生活，诊断英国殖民所造成ê精神麻 痹。十五篇小说，敆做一个系统性ê整体，伊写人，嘛是写城市。 　　本册成做《都柏林人》头一部全台文译本，毋但翻译原文，阁稽考前行译本佮文化背景 做注解补充，更加要意台语文自本ê特色，以台语文ê语法、用字佮押韵，搬演故事ê情境佮 歌诗ê声韵。透由世界文学经典ê徙栽，推 台语文行入现代。 　　◎本书荣获文化部「语言友善环境及创作应用补助」 目录 译序｜刘盈成 01｜两姊妹　　　　　　Nn g tsí-muē 02｜相搪　　　　　　　Sio-tn g 03｜阿拉比　　　　　　A-lá-pí 04｜依芙莲　　　　　　I-hû-liân 05｜赛车尾後　　　　　Sài-tshia bué-āu 06｜两位好汉　　　　　Nn g uī hó-hàn 07｜寄蹛公寓　　　　　Kià-tuà kong-gū 08｜一丝薄云　　　　　Tsi t-si po h-hûn 09｜相照影　　　　　　Sio-tsiò-iánn 10｜润涂　　　　　　　Jūn-thôo 11｜痛心记　　　　　　Thòng-sim kì 12｜爬山虎日ê会议室　Pê-suann-hóo-ji t ê huē-gī-sik 13｜母亲　　　　　　　Bú-tshin 14｜圣恩　　　　　　　Sìng-un 15｜亡者　　　　　　　Bông-tsiá 附录：名词英台对译表 译序（节录） 《都柏林人》：写人，嘛是写城市 刘盈成 　　《都柏林人》（1914）是詹斯．若依斯ê头一部重要作品，提都柏林人ê市民做主角，写 做十五篇ê短篇小说。都柏林是爱吕兰ê首都，大英帝国ê一座大城市，嘛是若依斯ê故乡。十 五篇敆做一个整体，表面是咧写人，写一寡中产阶级市民，事实是藉市民来描写城市，欲呈 现这个城市（佮爱吕兰）ê精神麻痹。自按呢，若依斯开示一条「城市解剖」ê路数，都柏林 去予文学家头一斗提伊「城市」ê身份来做题材。 　　这个路数，台湾ê文学读者拍算有熟似。《都柏林人》佮台湾文学（无论是华文或者台 文）ê牵连，咱直接会联想去白先勇（Pe h Sian-ióng）ê《台北人》（1971）。头一项，这 本号册名就佮1914年ê《都柏林人》仝一个手法。限定一个城市，用几若篇ê短篇小说，描绘 （biâu-huē）城里五花十色ê人。若依斯十五篇，白先勇十四篇，两爿拢是敆做一个整体， 解剖城市ê心灵。写人，嘛是写城市。 　　都柏林这个城市毋但是诚实有，小说内底市民生活ê所在，包括街仔路、酒馆、小店、 建筑物、册店、地号名，犹阁有历史人物ê遗事，拢是诚实--ê。Hām「英国殖民」佮「天主 教」两大势力，嘛正经伫本城咧走跳。所致，小说虚构（hikòo）ê都柏林人，举动言语拢有 伊「写实」ê环境。若依斯用这号笔路，忠实打造都柏林人无风无摇ê生活，佮无味无素ê故 事情节。 　　这寡都柏林人，主要是无「存在感」ê市民，nobody（若是《台北人》，有头面ê人物就 较济）。 ê人生故事，无啥物精彩ê情节，毋是奇巧刺激、予人赞叹（tsàn-thàn）彼路。 啊若依斯这部现代性格ê城市文学，干干仔就利用平凡小市民ê故事，来刺（tshiah）这个城 市ê根底。 　　《都柏林人》ê市民毋但有大人，嘛有囡仔、少年人，正经是「大人囡仔拢来看」。犹 未成年--ê，有ê囡仔较巧，佮神父学智识，有ê人偷走学，有--ê数想初恋。大汉了後，有人 正正当当上班食头路，有人浮浪贡，有人按算欲交陪好额人，通做伙趁大钱。正经度日--ê ，有人伫大学教册或者私人教师，有人做辛劳，有人四界走傱卖货，有人是厝税予人蹛。宗 教方面讲着神父，有--ê中风，有--ê爱读一寡世俗、刺激ê冒险小说，也有爱听人偷来暗去ê 情爱故事，也有人犯错误，袂当阁再主持弥撒、听人告解。 　　有人踏入婚姻罔度日，有人欲佮情郎相 走、煞临时叫毋敢，也有人孤身一个无想欲嫁 娶。无情ê人放舍情爱，有情人心怀欲望；欲望若无满足，有人拍囡仔拄数，有人用文学诗 歌来消磨人生，有人艰苦甲去予火车挵死。有人酒啉甲茫茫，有人醉甲跋落楼梯跤，有人 一下就好。有做老母--ê欲栽培查某囝踏入较好ê社会，嘛有老母利用查某囝ê青春，做套欲 揣一个囝婿。有人认同爱吕兰ê文化佮独立地位，有人接受殖民统治，凊彩会得过就好。 　　这都描写浮世众生啊，二十一世纪ê读者凡势看着诚惯势矣。毋过越转去百外冬前，天 主教信仰、英国殖民拢是理所当然ê价值，这是都柏林ê「A面」。啊经过这十五篇故事，经 过无风无摇ê生活描写，市民ê心灵麻痹才来拆破。都柏林ê「B面」，自按呢就予若依斯共反 （píng）出来。 　　（略） 　　用台语来翻译世界文学经典，毋是干焦为着台语真亲切、有乡土味，予咱想起阿公阿妈 ，嘛毋是干焦欲宣传台语有偌媠。台文译本毋是缀伫华译本後尾、罔加一种语言ê译本，嘛 毋是欲喝一句「《都柏林人》也会晓讲台语喔」尔。正经讲，世界各地文学、语言ê现代化 ，定着需要外国文学经典ê翻译佮绍介。日本、华语ê文学，拢捌行过仝一条路，台语ê现代 化嘛着爱。 　　欲翻译外国ê文学经典，有人嫌台语无彼号资格。我想着囡仔时代，老母捌提海明威《 战地春梦》ê华译本，改用台语讲予我听。彼当阵阮英文袂晓，毋过，无仝语言有通互相来 理解、转述，这阮自来毋捌怀疑。 作者简介 詹斯．若依斯　Tsiam-su Jio k-i-su（James Joyce, 1882/2/2-1941/1/13） 　　爱吕兰小说家、诗人佮文学批评家。《都柏林人》（1914）是伊ê一本短篇小说集，情 节看着白汫无味，煞会黜破主角ê人生，突显城市ê精神麻痹，若依斯从此伫世界文坛徛起。 伊ê作品包括《青年艺术家ê画像》（1916）、《尤里西斯》（1922）以及《芬尼根ê徛灵暝 》（1939）。 译者简介 刘盈成 Lâu Îng-sîng 　　高雄人。清华大学哲学硕士，中国文学博士，伫母校担任助理教授。华语译作包括《阿 兰布拉宫的故事》（2018）、《重新丈量世界》（2021）。 落去《都柏林人》ê台语翻译， 毋但为着这是现代小说ê开基祖，嘛是抛砖引玉，欲予世界文学成做台语文化ê一部份。 --

※ 发信站: 批踢踢实业坊(ptt.cc), 来自: 180.217.56.83 (台湾) ※ 文章网址: https://webptt.com/cn.aspx?n=bbs/TW-language/M.1716379192.A.E3B.html