因为有赞助募资，所以昨昏伫戏院正式上演进前，受邀参与特演会，赞赞赞！ 无完整剧透：伫火烧岛流麻沟(鲈鳗沟)这个规年迵天搧海风兮所在，三个主角，以及毋管是 受刑人抑是军官，对五湖四海来到遮兮人各样各色，拢仝款予暗流滚搅兮环境，佮家己兮重 担来拖磨。伫遮，随人以无仝兮立场盘撋，交织出时代兮面模，佮一丝仔人性兮光辉。最後 以岛上某一条案件做转机，冲突一触即发，有人沉沦灭无，有人牺牲自我，嘛有人伫爱当中 得着救赎。 整个来看，剧本并无真正下重咸，只是足简单共彼当时兮政治受难者生活搬出来，毋过干焦 按呢，着予观众感受着白色恐怖初期兮无情粗残。 演员表现拢真赞，画面足媠，有真济桌布级兮场面。歌嘛诚好听，遮兮着予逐家去电影院内 底好好仔感受矣！ --

※ 发信站: 批踢踢实业坊(ptt.cc), 来自: 42.75.209.243 (台湾) ※ 文章网址: https://webptt.com/cn.aspx?n=bbs/TW-language/M.1666492246.A.BA2.html