我小学前只会讲台语，但一直到最近 (40+ 岁) 才开始学写台语。 就像我之前学英文，靠英翻中、中翻英增加字汇一样，在学了 半年之後，花了六个小时，把一篇我很喜欢的短篇小说 《阿清嫂》翻成台语，在此和大家分享。 我其实用仓颉输入法，所以大部分的字，都不需用到拼音， 不过我有把一些我觉得陌生的罗马字，标注出来。 因为有请长老教会牧师念出全文，所以标教会白话字 (POJ)。 这阿清嫂是个寡妇，在小孩都长大後，受聘为外国传教士照顾 小孩。文里的「兰医生」是彰化基督教医院的创办者，「大卫」 是他的长子，後来也是彰基医院的院长，两代奉献台湾医疗。 《阿清嫂》介绍和朗读，连结 29:05 开始： https://sndn.link/JesusTW/33J2ZQ 阿清嫂 by 连玛玉 (兰医生妈)(老兰医生娘) 我真有把握，你一定揣 (chhōe) 无比这个阁较亲切、有爱心 (thiànn-sim) 的保母。 伊的名号作「阿清嫂」，伊定定按呢讲：「我爱 (或念 thiànn) 细汉大卫，比家己的囡仔 较爱；我捌 (pat) 拍家己的囡仔，但是我绝对袂打大卫，我伤 (siunn) 爱伊啊，毋甘出手 。」 有时阵，大卫按怎腰，就是毋肯困。阿清嫂就会共伊绑咧尻脊骿 (kha-chiah-phia )，那 唱歌，那四界行。免两分钟，大卫着困去矣 (ah)。毋阁阿清嫂歌唱了真古怪，伊的声足大 声，若亲像鸭仔咧叫，歌词的意思差不多是按呢：「憨囡仔啊，想欲困，阁爱人 (chhō a)；憨囡仔啊，紧困，紧困吧。」 有时天气热，大人囡仔拢歹困，大卫醒来咧遐吼 (háu)，阿清嫂着会过来斗相共。伊会 讲：「戆囡仔，你精神起来是欲创啥？是欲去偷牵水牛，抑是欲出门去掠鱼仔？」讲煞伊着 会共大卫抱伫手里，开始唱伊的囡仔歌，大卫连鞭 (liam-mi) 着阁困去矣。 我有翕 (hip) 一张相片：阿清嫂徛伫遐，後壁偝 (āi ) 大卫。阿清嫂手内提一本圣经 ，伊那行那 大声读出喙 (chhut-chhùi)，大卫看起来真四序 (sù-sī)。 阿清嫂头一摆接触着耶稣，差不多是九年前。伊是一个 (ê) 寡妇，住在台南附近，三个 囡仔都大人矣。满雄才牧师娘透过人介绍，揣着一个客气、好礼的太太，来照顾伊的细汉囝 仔摩里斯 (Maurice)，彼个太太就是阿清嫂。阿清嫂搬去满牧师馆蹛 (tuà)，伫遐，伊头 一摆听着主的名。 伊去满牧师馆无外久，满牧师一家口欲回国放假，就将「阿嬷」(阮拢是按呢称呼保母) 送去读女校。伫女校，万珍珠姑娘教伊识字。毋过阿清嫂无习惯规顶半晡拢咧上课，伊以前 毋捌读过册，较无耐性，坐袂牢。所以等到我的後生大卫出世，阿清嫂就搬来阮兜。 你若是等到 38 岁才开始去读册，会是什麽情势呢？ 阿清嫂罕咧出门，规世人干焦 (kan-na) 按伊个庄仔头到台南去尔尔 (niā-niā)。伊搬 来佮阮蹛 (tuà) 了後，就有真济出门行行的机会。头一摆伊是佮阮去小琉球，伊毋捌看过 大海抑是船。阮爱 (ài) 坐船过去小琉球，彼日海面无啥平静，船幌 (hài ) 甲真厉害 。甘单大卫感觉真趣味，其他个人都眩船 (hîn-chûn)。阮阮伫船顶面挡一暝，甲板 (kah- pán) 有位通 (the) 三、四个人尔尔 (niā-niā)，阮七个人硬櫼 (chi ) 作一排。 虽然阿清嫂仔眩甲真忝 (thiám)，有时人嘛真好势。逐摆吐了後，伊会讲：「兰医生啊 ，较振作一寡仔，来吃弓蕉 (keng-chio)！」抑是归气提一片王梨抹我的鼻仔下跤。这当然 予阮阁较艰苦。 阁来有一年，阮欲去日本渡假，阿清嫂嘛缀 (tuè) 阮去。毋阁有小琉球的眩船经验，伊 惊海惊甲逐日拢咧祈祷，求上帝予阮的旅程会当安稳。伊真相信这逝 (chuā) 会顺利，不 时咧讲：「上帝会备办阮的路」。结果海面有影真平静。 伊对大船诚 (chiâ ) 有兴趣，一直想袂透，船到底是怎样徙 (suá) 进前？在大海中 央，除了看袂离的深蓝色海水，就无别项阿。伊讲：「逐位看起来拢共款，船长欲按怎知影 向 ( g) 逐位去？」这是一个好问题，敢 (kám) 毋是？阮就对阿清嫂解释罗盘，台语讲 的子午针 (chú—ngó -chiam) 的原理。 但是仝 (kâng) 一日，伊又阁问兰医生：「大海敢有底啊？」这是毋是真巧 (khiáu) 的问题呢 (neh)？另外一工 (kang) 伊阁讲：「为啥物没人来遮 (chia) 掠鱼仔啊？若来 这远的所在，就会使掠着遐尔大尾的鱼仔，有的有几若 (kuí-nā) 百斤重喔。」 虽然对阿清嫂来讲，逐项物件拢是遐尔稀罕、心适 (sim-sek)，伊不外合意 (kah-ì) 蹛咧日本。伊会讲有马 (Arima) 有足媠 (chiok-suí) 的水冲 (chúi-chhiâng)，东京有 动物园，浅间 (Assama) 有一粒火山，逐暗拢共 (kā) 天上照甲金铄铄 (kim-siak-siak) ，日时会看着喷发的火炎 (hué-iām)。但是，就算讲转去到福尔摩沙，是天气诚烧热的九 月，伊犹原非常欢喜倒转到厝内。 大卫拄 (tú) 满一岁的时，阮爱去英格兰休困较久，阿清嫂只好佮大卫分开。阮离开 彼日，阿清嫂哭甲真伤心，手巾仔澹 (tâm) 去几何条 (kuí-ā-tiâu)。 阿清嫂讲：「等大卫大汉，转来福尔摩沙作医生，伊就爱照顾我啊。这马是我照顾伊， 等我老啊，破病啊，我欲来彰化揣医生提药仔。」 阮这个有爱心的「阿嬷」啊，伊想着阮转去英格兰，需要经过大海佮加拿大，这路遮尔 远阁遮尔啊寒 (kôa )，伊袂使佮阮做阵，斗相共顾大卫，予伊诚伤心。毋阁伊伤心归伤 心，伊帮赞 (pang-chān) 阮攒 (chhoân) 甲妥当 (thò-tòng)。阮欲离开几何个 (kuí- ā-ê) 礼拜进前，伊逐暗拢咧祈祷，恳求上帝为阮备办无涌的海面，予兰医生佮我身体拢 勇健，才 (chiah) 会使看顾大卫。 伊特别数念 (siàu-liām) 的是，大卫拄咧发喙齿 (chhùi-khí)，一齿一齿一直生 出来，定定咧发烧，伊嘛定定为着按呢咧祈祷。伊困的房间佮阮的相倚 (óa)，门窗无关， 阮有时会听着伊在讲啥。伫阮欲离开前一暗，伊恳求上帝，予大卫的喙齿暂时莫 (mài) 发 ，听候 (thìng-hāu) 阮安全转去到英格兰。伊真惊大卫若发烧，父母阁破病，就无法度 共大卫顾甲好势。虽然毋是拢照阿清嫂所祈求的，但是上帝有回应伊。咧旅途中间，大卫有 发两齿，毋过 (m -koh) 过程诚顺利，等到喙齿差不多拢发出来，阮才发现。 阿清嫂尾啊无阁来过阮兜 (tau)，因为伊转去作满牧师囡仔的阿嬷矣 (ah)。但是伊 的爱心，佮伊照顾阮大卫的一切，阮永远袂去乎放袂记。阮若去台南，不时会拄着阿清嫂。 大卫用台语佮伊开讲，伊总是非常欢喜。伊原仔会问大卫，大汉了後敢欲 (kám-beh) 转来 福尔摩沙，共伊开药仔。大卫讲：「会啦」。 --

※ 发信站: 批踢踢实业坊(ptt.cc), 来自: 1.200.110.79 (台湾) ※ 文章网址: https://webptt.com/cn.aspx?n=bbs/TW-language/M.1613345677.A.2A1.html ※ 编辑: Edouard (180.217.35.116 台湾), 02/16/2021 06:09:03 ※ Edouard:转录至看板 ChangHua 02/18 13:45