台语演讲三五步：指导大人演讲比赛ê秘笈 作者： 刘明新 出版社：前卫 出版日期：2019/06/19 目录 ｜台语演讲三五步－上篇｜ 踏话头 体例说明 壹、理论篇 第一课 演讲真重要 第二课 啥物是演讲 第三课 演讲ê基本修为 第四课 演讲ê通则 第五课 演讲ê准备 第六课 常在讲毋着ê音佮调 第七课 讲正港ê台语词 第八课 讲合味ê台语句 贰、实务篇 （大人组） 第九课 即席演讲ê题目 第十课 演讲ê审题佮拆题 第十一课 完整ê结构设计 一、三段论述法 二、四段论述法 三、五段论述法 第十二课 大纲设计举例 一、讲寡俗语予恁听 二、母语ê重要性 三、我所知影ê八田与一 第十三课 显头、媠尾、演中央 一、显头 （一）实例故事法 （二）解说题意法 （三）请教问答法 （四）创意斗句法 （五）俗语点题法 二、媠尾 （一）、前呼後应法 （二）、要点归纳法 （三）、提出精义法 （四）、行动呼吁法 三、演中央 （一）、 分项论述法 （二）、 因果推论法 （三）、 正反论述法 第十四课 台风原则佮训练 一、台风原则 二、表情、眼神训练 三、手势原则 四、手势分类 五、手势综合练习 六、上台训练：实际操演 七、观摩比赛影带 【後记】母语ê真义 【宣言】母语教育宣言：咱主张 ｜台语演讲三五步－下篇｜ 踏话头 体例说明 参、基础篇 第十五课 台语演讲ê修辞 第十六课 演讲ê名言佳句 第十七课 台语斗句真好听 第十八课 台语演讲俗语篇 第十九课 心适ê孽谲仔话 肆、证据篇 （演讲ê言辞证据） 第二十课 统计 第二一课 定义 第二二课 类推 第二三课 报导 (一)、台湾类 (二)、教育类 (三)、环保类 (四)、社会类 (五)、时事类 第二四课 笑话 第二五课 逸事 第二六课 故事 人物篇／哲理篇／教育篇／环保篇／ 【後记】母语ê真义 【宣言】母语教育宣言：咱主张 若准我毋讲母语 收回 序 序 踏话头 　　这本册ê内容，是我二十外冬来，伫新北市(以早台北县)指导台语演讲大人组ê选手 ，所使用ê教材佮长年累积ê经验，共抾做伙ê成果。伫2009年，我第一摆共我集训选手 ê资料编做一本讲义，名称就叫做《台语演讲有撇步》，这马欲正式出版矣，因为册名惊 去佮人伤相仝，就谦卑共号做《台语演讲三五步》，表示伊干焦是三五步ê基本功夫尔。 阁因为内容伤济，共分做上、下两篇。爱特别感谢ê是，佮我同齐训练选手ê同工，因为 in予我诚济启发佮帮赞，若无榁，这本册就无法度出版矣。 　　当然，这本册ê内容，除了我家己长久以来累积ê经验佮看法，嘛爱感谢真济幕後英 雄。榁是提供我智识ê专家学者佮各种网站ê资料，其中有历史、生态学家ê着作，文学 家ê作品，嘛有文化性网站ê丰富内容，以及政府网站ê正确资讯。遮ê着作佮网站，拢 予我伫咧编写这本册、共资料改写做台文ê时，有真大ê贡献。特别是伫演讲ê「言辞证 据」这方面ê资料蒐(soo)集，咱拢无法度避免爱去参考遮ê智识佮资讯。 　　想欲出版这两本册有三个动机：帮助参加台语演讲ê选手，共指导演讲ê老师佮家长 斗相共，以及为推展台语文尽一份力。三个动机拢诚单纯，毋过目标真悬，是毋是有才调 达成，拢爱试看觅才会知。 　　其中，第三点特别困难。因为伫推展台语文ê过程中，咱会拄着：学生袂晓讲、家长 无重视、老师应付、母语ê语言环境愈来愈? ，以及政客、教育官员对本土语言无理 念，四常放屁安狗心，予咱听甲咬牙阁切齿，强欲去舂壁！ 　　我想，欲救台湾话，上重要ê干焦三条路： 　　第一条，对幼稚园到高中拢爱有母语ê课程，逐礼拜三节课以上，并且欲升高中佮大 学，拢爱认证一种本土语言，及格ê才有资格升学。这是政策问题，需要有智慧佮决心ê 本土政权，做政治解决。 　　第二条，予母语有实用ê价值。爱立法规定，欲去原住民、客家人、抑是hō-ló人 占多数ê县、市、乡、镇服务ê公务人员，包括老师、警察、税务、铁路局、地政人员、 公所办事员等等，拢爱通过当地本土语言中高级以上ê认证。无，就袂当录取。 　　第三条，予母语生活化、教育化。无论是伫家庭、教室、抑是公共场合，拢爱惯势讲 母语，老师上课嘛用母语教学(这就是「浸水式」ê教学)，按呢才有法度营造(îng-tsō )较好ê母语环境。若无，本土语言、咱ê族语，会渐渐无去ê运命，是一件无法度挽回 ê代志矣！ 　　出版这本册，毋敢有伤济向望，讲按呢就有够额矣。 Lâu Bîng-sin 2018.12 --

※ 发信站: 批踢踢实业坊(ptt.cc), 来自: 210.21.79.248 (中国) ※ 文章网址: https://webptt.com/cn.aspx?n=bbs/TW-language/M.1560949071.A.C8A.html