潘科元 华语〔打针〕，闽南话、东南亚福建话拢讲「扑针 phah-tsiam」。台湾话毋是按呢讲， 咱讲「注射 tsù-siā」，这是吸收日语个讲法，论真较雅气。 伫台湾若讲「扑针」会予侬感觉好笑，总--是，少年侬可能会讲，我就捌听过亲切个店员 小姐按呢讲过。 伊对别个侬客拢讲华语，但是看着我讲台语，伊就改讲台语，伊个台语已经比市内仝沿个 查某囡仔 好足济矣。 本来「注」佮「射」拢是动词，「注射」是类义并列复词，但是台语已经脱离日语，发 展出家己个用法，咱讲「注一支射」、「注两支射，一支注肉，一支注血筋」，将「注射 」重新分析，变做动宾复词，「注」是动词，「射」是名词宾语，相关个词亲像「预防射 ī-hông-siā」（华语〔预防针〕）、「麻射 bâ-siā」（华语〔麻醉针〕），配合 个动词也是「注」字。 -- fatty liver脂肪肝chi-hong-koaN -- ※ 编辑: perspicuity (36.230.105.223), 11/26/2016 04:53:56