我简单表达一寡我 ê看法。 我佮tiuseensii兄有部分 ê想法是同感--ê，政府 ê文言文教育， 确实是无应该有遐大 ê课程比例，抑若准讲，文言文所减少 ê部分 ，是以北京话白话文 ê课程来共替代，若按呢生，我就无赞成减少 文言文 ê比例。文言文教育对台语文 ê负面影响，并无遐大，对着 台语文上介危险 ê影响--ê，是北京话白话文 ê教育。 文言文 ê教育，所学着--ê，伫咱实际 ê生活上，咱虽然会将这来 使用伫咱所讲 ê北京话内底，咱透过运用文言文 ê文体佮语词，予 咱伫北京话 ê使用上阁较减省，抑是讲较有文学 ê气味，毋阁，文 言文教育，咱并毋是学着一种新 ê语言，只是对咱 ê语文能力来讲 ，是一种「工具」尔尔。 仝款--ê，文言文教育，若是使用台语来教，对咱 ê台语文能力嘛 有真大 ê帮助，咱 ê台语内底，有袂少 ê比例，嘛有文言文 ê色 水掺--着。除了讲咱 ê先民，伫怹彼个以「汉学仔教育」为尊 ê久 远历史内，本底文言文就真有影响--矣，伫咱现代来讲，咱透过歌仔 戏、布袋戏、传统戏曲、儒/道/佛 ê经典……，嘛是继续予咱 ê台 语增加文言文 ê气味。 我嘛希望文言文教育，应当将明、清时代台湾文人 ê作品来作取用。 杨青矗先生所整理 ê「台诗三百首」（一本三千偌…实在是贵甲…！） ，内底就有真济水准诚悬 ê作品，比论讲，陈永华、林占梅 ê诗文 作品，古今 ê文学界拢予怹真有够水准 ê评论。 就算讲是现主时 ê这个教育体制，学校 ê文言文拢是以北京话来教 --欸，但是，就算讲是按呢生，文言文教育只要犹原占甲遐大 ê额， 仝款--ê，北京话白话文所占 ê额，伫学校 ê中文教育内抑就会较 少，北京话白话文咱若学阁较济，咱就会对北京话 ê使用阁较依赖 [i-lai7]。 重点就伫遮--矣，对着支持台语文教育，反对文言文教育 ê有志，我 共提出来讲 ê这个鋩角[me5-kak]，会当予咱好好仔来思考。 未来 ê一工，我 ê将这个论点，文章来共好好仔整理--咧，会阁再 发表伫亲像「台文战线」、「首都诗报」……这类 ê杂志、报纸上， 佮反对文言文教育 ê台语文先辈来互相讨论。 -- 在我学过台文 ê标准写法了後，我决定自这马开始，伫 Ptt 尽量拢用台文来写文章 佮推文。我写是写我 ê，你欲回啥物话拢无要紧，若有一字半句是你看毋捌[bat]-- ê，会使佮我讲，我会阁解说予你捌，抑是用北京话阁写一摆来予你知。 我所写 ê台文内底，伫台罗 ê部份，因为 Ptt 顶悬无法度完全显示台语八音 ê调 号，所以我用「声调方便版」，也着是阿拉伯数字 23578 来表示。 我所使用 ê台文输入法，是号作「信望爱台语客语输入法」。 KILLER7 2010/11/14 --

※ 发信站: 批踢踢实业坊(ptt.cc) ◆ From: 223.141.126.228 我所表达 ê意思并毋是按呢，请毋通共我 ê意思想偏--去，文言文并毋 是一种学习台语 ê工具。我是讲，若是接受过台语文言文 ê教育，汉文 若较饱--ê，台语会有较媠--ê文言气味。 但是，这是爱徛伫台语文言文教育 ê情况[hong2]之下，咧讲这才有意义 ，若无--者，啥拢免讲，彼干焦是增加北京话中文 ê能力尔尔。 这就是咱爱去拍拼 ê愿景。 ※ 编辑: KILLER7 来自: 223.141.126.228 (03/22 23:06)