我有写一篇囥伫我e Blog顶，想袂到，原来自由昨日着有按呢e报导。 我是用台音输入法拍字e，是通用拼音，我无标调号。 台湾路名拼音，gah国际化有啥物关系？ 阮兜e第四台无纳钱，所以干那有无线电视通好看，我一透早扑开电视无细腻着是块报新 闻，看着台视e新闻报讲 「基隆路牌 台语拼音外人雾煞煞 拼音争议 基市:为保留文化」 真正是有影乌白乱报。讲啥物基隆市e几条重要道路e路名，因为保留音译e台语发音，定 定互本地侬gah外国侬拢看无。我看伊所举e例，中正路是用通用拼音，拼做 diong-zing-lo，刘铭传是用教会罗马字，是拼做lau-ben-thoan。连in家己拢无统一。毋 管是按怎，若是bheh用台语做拼音，毋是讲袂当，是应该ai统一较好。 毋管是啥物物件，若是无学，着袂晓，三字经毋是ma有讲：「人不学，不知义」（rin but hak，but di ghi）。恁若是无学过写字，干那会晓讲话，着是青瞑牛(cenn-me-ghu) ，拼音ma是仝款。 以前汉人来到台湾e时，拢是平埔族原住民块dua e所在，所以若是毋知遮是啥物所在，拢 会问原住民讲，这是啥物所在。比如讲北投(bak-dau)，iah是讲艋舺(bhang-gah)拢是原 住民e称呼，艋舺是独木舟(dok-bhok-ziu)。虽然汉人来遮ma有产生真济家己e地号名，毋 阁对原住民e称呼ma是拢保留落来。 今仔日基隆用hoklor话为标准来标音(ma zia几个路名nia-nia)，因为毋是用华语做拼音 ，着互遮e粪埽记者笑，讲啥物阿啄仔连华语拢讲袂好势，哪会晓讲台语，真是粪埽。因 为会记得在台协会有一个处长ma是讲台语讲gah真好势。记者in想讲ai会晓讲华语zia会晓 讲台语，根本着是笑死侬e讲法。而且这gah啥物国际化有啥物关系。 华语ma无啥物法律e地位，无任何e法律规定讲伊是国语，法律若是无规定，当然地方政府 想bheh按怎创，是in e权责。外国侬若是有看着地图，对着仝款e路牌，当然ma会当揣着 bheh揣e路。若是袂晓，用这去坐计程车ma会当问司机，司机拢差不多听有台语，听着这 ，反势听较有咧。 记者对台语真是有真大e歹意，拢是用华语来思考，你掠准讲外国侬着一定看有用华语e拼 音啊，笑死侬毋遮按呢。 拄即看着有侬gah昨e自由时报e报导囥咧 PTT e TW-language版顶guan， 竟然连自由e标题ma是写 台汉音英译路并陈 外人看呒。真正是拾角(kioh-gak)啊！ 交通部竟然讲啥物基隆应该是毋着e。中央只是讲推sak通用拼音，ma无任何法律 规定ai用华语，而且按照道路e法规，zia e路牌是地方块管e。 hit个网友讲其实只要地图gah路牌仔仝款着好罗，外国侬管你用啥物拼音，gah我e意见仝 款。 -- 欢迎参观inosen兮台华文部落格： http://blog.webs-tv.net/inosen --

※ 发信站: 批踢踢实业坊(ptt.cc) ◆ From: 220.137.236.102 ※ 编辑: inosen 来自: 220.137.236.102 (05/29 20:28)