公视新闻网 https://news.pts.org.tw/article/596810 影片纪录传统戏曲发展 向望珍贵艺术代代湠 林思皓 谢季潾 / 台北报导 发布时间：2022-08-25 19:15 更新时间：2022-08-25 20:04 https://www.youtube.com/watch?v=OzAFQ6wX-o4 台北市文化局今年出三支传统艺术的纪录片，是布袋戏、歌仔戏、京剧的发展佮传承，希 望传统艺术、会使一代传过一代。 斟酌弄掌中的尪仔，布袋戏大师陈锡煌今年已经91岁矣，犹原咧为传承传统艺术拍拚，伊 嘛向逐家讲出伊的烦恼。 布袋戏艺师 陈锡煌讲：「毋是亲像较早，咱较早若搬戏，着无，棚跤拢有人，你这马若 去搬一棚戏，棚跤拢无人」 仝款面对传承危机的歌仔戏，现此时嘛做一寡仔创新，希望吸引阁较济少年人来看，甚至 加入剧团。 歌仔戏剧团团长 孙荣辉讲：「这马就比较，就较美感，予遐的少年讲，做歌仔戏，小生 小旦拢遮尔媠，我嘛想欲参加」 无论布袋戏抑是歌仔戏，伫传承的道路顶悬，拢会面对语言失传的问题。 歌仔戏资深演员 王金樱讲：「字袂正、腔袂圆，亲像一班有遮尔济的，我伫咧远远按呢 咧教学生，我看伊的喙我就讲，来、来、你来，你唱毋着，伊讲老师你哪有听着我咧唱， 我讲我看你的喙形就知影你唱毋着」 布袋戏操偶艺师 陈锡煌讲：「你阁较gâu搬，伊台语就袂晓听，着无，创彼字幕，字幕 创落去，伊这寡仔艺拢免，免看艺矣啦，伊干焦看字幕就好矣」 台北市文化局廿五发表今年出的三支纪录片，分别绍介布袋戏、歌仔戏、京剧的发展佮传 承，向望遮的艺术伫台湾会当一代一代传（thng5）落去。 --

※ 发信站: 批踢踢实业坊(ptt.cc), 来自: 114.40.14.244 (台湾) ※ 文章网址: https://webptt.com/cn.aspx?n=bbs/Palmar_Drama/M.1661433117.A.D92.html