【又伤旧患】城城拍戏受伤 唔休息死顶继续宣传 2016 1 13 16:45 香港苹果日报 郭富城（Aaron）上周喺上海拍摄锺少雄执导嘅《新永不消逝的电波》一场动作场面时，唔小心再伤到左膝十字韧带旧患，第二日即刻返香港入院睇医生，医生同佢讲，最好尽快做手术，条韧带断咗6、7成，唔做手术好难康复，经理人小美都同电影公司嗰边倾过，如果要做手术就要休息一个月，今日小美喺Facebook放咗城城拍紧呢部戏啲受伤膊冰嘅相同剧照出嚟。 导演锺少雄话咁嘅状况同意俾佢请假，但Aaron唔想影响部戏进度，加上又要为江苏春晚录影同帮贺岁片《西游记之孙悟空三打白骨精》有好多宣传要做，根本冇可能休息一个月养伤，城城今日话：「嗰日系拍一场由屋顶跳下嘅镜头，现场环境计算未够仔细，导致落点出误差而再伤旧患，医生话要做手术，不过我想等依家手头上嘅电影同宣传工作完晒先至做，现时都仲顶得住，咪咬紧牙关顶埋去！」城城咁专业，导演都锡住佢，知佢受咗伤，难度高动作戏尽量搵替身帮佢做。 另外，今日星皓公司发咗《西》片嘅城城演嘅孙悟空制作特辑，今次城城演嘅孙悟空有好多内心戏，佢同师傅唐僧（冯绍峰演）、白骨精（巩俐演）都好多对手戏，导演郑保瑞都赞Aaron不单身手好，文戏一样演得好好，期待下部戏可以再同佢合作。 http://i.imgur.com/OMVSEOQ.jpg http://i.imgur.com/e2IyK5t.jpg http://i.imgur.com/GuV6iw3.jpg 资料来源: http://goo.gl/SnkXbU ----- Sent from JPTT on my LGE LG-H815. -- 　　　自问未讲过再会 随时能再度奉陪 对你会再好几倍 我怎会心灰？ 　　立誓绝不说再会 以免你肯反悔 你爱我也需要休息 真算绝配。。。。。 　I'll never tell you goodbye　你那次走得真快　说再见要说一世　你不要想歪！ I'll never tell you goodbye　你那耳朵很怪　我语气惹得你多心　请你别怪。。。。 --

※ 发信站: 批踢踢实业坊(ptt.cc), 来自: 220.141.141.108 ※ 文章网址: https://webptt.com/cn.aspx?n=bbs/AaronKwok/M.1452682858.A.D42.html