※ [本文轉錄自 TW-language 看板 #1aJUHwxm ] 作者: ostracize (bucolic) 看板: TW-language 標題: Re: [語音] 署是第7聲,不是第2聲 時間: Sun Apr 30 11:45:50 2023 : 署是第7聲,不是第2聲 : http://taigi.fhl.net/dick/gm.php?fn=690.png https://reurl.cc/a1KgvG 「泳、詠、咏」傳統台語音是第七聲 īng（對應漢語中古音「為命切」），但是生活中 無用著（除非是儂名）。戰後才吸收「游泳 iû-íng」做日常話（本底講【泅水 siû -tsuí】），將「泳」唸做 íng，一方面是有邊讀邊，照「永」--字來唸，一方面是綴 華語个調類（上聲）。 教會公報 1960.05 才開始出現 iû-éng，1961.05、1967.10 閣有兩篇。教會公報無出 現過 iû-ēng。教會公報有 10 篇寫著 siû-chuí，第一篇出現佇 1908.09。 「詠、咏」字，有跟老先生讀過台語漢文个儂就知影是唸 ēng，《三字經》有：「蔡文 姬，能辨琴；謝道韞，能詠吟。」。 我有學生名字有「詠」，我講唸 ēng 才是正音，伊講怹爸爸（是台語文界有名个儂） 唸 éng，按呢我也尊重。 「署」字也有類似現象，電台賣藥仔，逐家攏講【衛生署許可 uē-sing-sú hí-khó】 ，其實「署」字本來个台語音是第七聲 sū（對應漢語中古音「常恕切」），各位聽好查 台日典，伊有收七、八个有「署」字个詞，攏嘛唸 sū，並無 sú 个音。 毋過，自從蔣家軍入台，設立「長官公署」，台灣儂就開始講 Tiúnn-kuann Kong-sú 矣（吳守禮教授字典《綜合閩南臺灣語基本字典初稿》就有提起）。「署」佮【暑 sú】 字形倚倚，真容易變音 sú。華語先變上聲，台語綴咧變。 -- 台日大辭典查詢(1931年上卷，1932年下卷)http://taigi.fhl.net/dict/ 1913年甘為霖廈門音新字典查詢 http://taigi.fhl.net/dick/ 教育部臺灣閩南語常用詞辭典 https://twblg.dict.edu.tw/holodict_new/mobile/index.jsp --

※ 發信站: 批踢踢實業坊(ptt.cc), 來自: 118.167.90.200 (臺灣) ※ 文章網址: https://webptt.com/m.aspx?n=bbs/TW-language/M.1682826362.A.EF0.html

※ 發信站: 批踢踢實業坊(ptt.cc) ※ 轉錄者: ostracize (118.167.90.200 臺灣), 04/30/2023 12:18:36