黃妃-06. 畫你《我若是黃倩倩》 作詞：十方 作曲：徐偉銘 編曲：謝佳旺 我佇土跤 畫一個你 佮你講話 坐你身邊 兩人情話綿綿　兩人笑容微微 親像你攏毋捌離開 我佇茶杯 畫一個你 佮你創治　笑你戇面 兩人成雙成對　兩人海角天邊 毋看自己為你傷的心 怎樣畫來畫去畫袂成 原來愛是畫袂出的形 日頭已經拍毋見 風雨落袂停 你放阮一個人想你 怎樣畫來畫去畫袂像 原來人攏畫袂出痴情 時間這枝鉛筆 黑白畫人生 心中有刺 你這馬是佇佗位 佇手中心　畫一個你 提好牢牢　毋願打開 毋甘隨風飛去 毋甘目睭金金 毋甘你我無幸福兩字 怎樣畫來畫去畫袂成 原來愛是畫袂出的形 日頭已經拍毋見 風雨攏袂停 你放阮一個人想你 怎樣畫來畫去畫袂像 原來人攏畫袂出痴情 時間這枝鉛筆 黑白畫人生 心中有刺 你這馬 佇佗位 --

※ 發信站: 批踢踢實業坊(ptt.cc), 來自: 114.47.18.89 (臺灣) ※ 文章網址: https://webptt.com/m.aspx?n=bbs/lyrics/M.1652271592.A.774.html