作詞：武雄 作曲：張三、曹雅雯 編曲：楊尊勝 亞蘭：咱寶島古早是做叫大員　地名咧號有真濟款 　　　風土民情緊報你知　南北二路攏有流傳 雅雯：東港佇屏東出海產　西港台南有炊肉圓 　　　南港其實是佇台北　北港媽祖佇雲林縣 亞蘭：嘉義新港有奉天宮　彌陀舊港有三千宮 　　　中港免講嘛佇台中　大港小港攏佇高雄 雅雯：美麗的寶島是台灣　人講上媠的風景就是人 　　　各地的腔口愛聽分明　南腔北調攏嘛無相仝 雅雯：你是誰(siáng)　 　　 　　 　亞蘭：彼是台北人 雅雯：你是誰(siâng) 　　　 　　 　亞蘭：彼个雲林人 雅雯：你是誰(tsiâ)　　　　 　　 　亞蘭：伊是彰化人 雅雯：啊你是誰(suî)　 　　 　　 　亞蘭：在下古早人 雅雯：食飯(puīnn)配滷卵(nuī) 　　亞蘭：是宜蘭人 雅雯：查埔(pio)查某(bió) 　 　　 　亞蘭：彼是金門人 雅雯：啊你咧乜(bín)代　　 　　 　亞蘭：是阮澎湖人 合唱：講話無相響(sann sâng)是鹿港人 合唱：現代的寶島是台灣　山珍海味是蓋齊全 　　　你若有閒緊隨我來　各地名產我攏有攢 雅雯：綴我來夜市你就知　各種的口味是足厲害 　　　世界有名是珍奶　　鄉民上愛請人食雞排 亞蘭：佮我來廟口踅老街 正港的滋味是有夠濟 　　　芋粿甜粿菜頭粿　　內行的來食桶仔雞 雅雯：當歸鴨、擔仔麵、蚵仔麵線摻芫荽 亞蘭：潤餅夾、虎咬豬、麻油雞是古早味 雅雯：烘番薯、煠番麥、鹽酥雞配冬瓜茶 亞蘭：豬血粿、燒酒螺、臭豆腐配冰豆花 雅雯：紅燒鰻、白菜滷、燒酒蝦佮羊肉爐 亞蘭：蚵仔煎、鼎邊趖、米粉炒佮筒仔米糕 雅雯：來夜市氣氛有夠好、有吃有掠算會合 亞蘭：咱廟口四界攏是寶，有保庇閣好(辶日)迌 雅雯：人講拍拼就趁青春 亞蘭：抑若想欲(辶日)迌就趁這陣 亞蘭：抑若想欲(辶日)迌就趁這陣 合唱：大家鬥陣來遊台灣 　　　袂輸若皇帝咧出巡 -- 　 　煙籠寒水月籠沙， 　終古垂楊有暮鴉。 　東風不與周郎便， 　飛入尋常百姓家。 rogerxul 胡隴‧夜遊江見漁人聽牌 --

※ 發信站: 批踢踢實業坊(ptt.cc), 來自: 1.162.193.132 (臺灣) ※ 文章網址: https://webptt.com/m.aspx?n=bbs/lyrics/M.1650899286.A.915.html ※ 編輯: rogerxul (1.162.160.79 臺灣), 05/06/2022 21:13:47