昨日我去一tusa7踮佇台中三民路的台灣本土文化書局， 規間冊店大概攏共伊參觀，共伊踅踅咧， 發現有兩本適合西方人kap日本人學習台語的教學冊， 這本是教台語的日本教學冊， →「はじめての台湾語」 http://www.su-jine.com/amazon_details/4756906656.html 有附CD，價數差不多300-400箍左右， 我擱斟酌佇網路上揣"紀伊國屋"的網站， 發現有關台語學習的冊本，尚少嘛有5本-10本，包括字典。 http://bookweb.kinokuniya.co.jp/htm/4756906656.html (紀伊國屋-打台語尋揣的結果) 擱來， 是我有看著一本對台語學習誠讚的冊本， 乎作「哈佛台語101」(3CD)，價數600箍， ==書本介紹== 哈佛台語101是一本以「台灣羅馬拼音」(與國際音標最接近的一種拼音方式，易寫、易記) 台語、英文對照的教材，同時包含發音對話課程，適合台語非母語者做為學習教材。 http://tinyurl.com/y9squ2h 這是一位以前佇哈佛大學咧教冊的李勤岸教授， 用教育部的台羅教學，所編寫出來的教學冊，印刷誠精美， (我印象是干若用台羅教學爾爾，無用台漢) 內底用創作故事的方式導引學習，課本內容誠趣味， 透過故事來對台語的生活用話作教學， 尚重要的是，規本攏有英文kap著台文、北京語的對照並列， 包括封面，若是有板友熟似對台語有興趣的阿啄仔朋友， 會使紹介這本乎伊， 若是有台灣朋友想欲學台語，這本所提供的嘛誠好。 -- 我嘛建議踮台中的板友，有閒會使來這間冊店共看mai7， kap台北的「台灣e店」lioh-a2有相共， 有誠濟台灣文化、風俗、主體意識相關的冊類， 台語學習方面，連誠歹揣的廈門音新字典、甘字典、彙音寶鑑、 台語外來語大辭典…總總的冊，這間攏有咧賣。 台灣本土文化書局 地址佇台中市三民路3段49號，一中街的附近。 --

※ 發信站: 批踢踢實業坊(ptt.cc) ◆ From: 114.38.19.141 ※ 編輯: XXZDX 來自: 114.38.19.141 (01/31 11:53)