※ [本文轉錄自 Literprize 看板 #1Xy-FXRz ] 作者: Qorqios (^Ø^ ^Q^ ^Φ^) 看板: Literprize 標題: [情報] 台文戰線雜誌 台語體育書寫徵稿(2/25) 時間: Fri Jan 28 20:38:32 2022 fb:台文戰線雜誌社 https://www.facebook.com/twnel/ 【徵得就是你的稿】 欲過年啊！先共逐家說恭喜！新年快樂！ 第 66 期，阮計劃推出【台語體育書寫】專題，希望通有濟濟無仝角度的討論。 2021會使講是世界運動年，拄辦奧林匹克運動會──原本號做「2020 東京」，詳細講來 也是疫情所致，予這屆奧運會成做世界上蓋注目的一屆；閣因為咱台灣隊表現出擢，再帶 動國內一波體育的風潮。嘛才前一陣，台灣體操界也引起真大風波，國手待遇佮中華體會 的恩怨仝款閣予人提出來冤。接紲落去的，北京冬奧也咧欲佇疫情中辦理。今年體育的討 論確實並往年攏閣較熱烈。 另外一方面，閣講著台灣體育的歷史，10 个台灣人差不多有 9.5 个攏會講「野球」；在 咱近代的政權內底，攏有真影目的成績，譬論講嘉農摃入甲子園、紅葉少棒傳奇 …，這 毋但是轟動台灣，也通講是世界認捌台灣的一个機會。咱若兼頂面所講的來看，閣看深落 去，體育活動若似就無遐單純矣；這毋但變做是提升國家榮譽的一種管道，佇國家現代化 的過程中，特別是共產國家，閣是牽連政體、種族延續佮強盛的表演台。 當然，體育書寫也無一定攏愛寫遮硬，跳脫國家歷史、權謀鬥爭（畢竟咱前幾期的專題確 是攏耍正經的），你嘛會使講，「運動」應該是敨放心靈、舒心的活動才著！抑若感覺家 己大箍，敢著攏愛像頂懸講甲遮複雜！第 66 期【台語體育書寫】專題，阮歡迎各種面向 的討論，共你的作品寄予阮！ 仝時也歡迎其他台語的評論稿佮創作稿、非專輯的稿件；歡迎詩歌、散文、小說、報導文 學的多面向創作。【台語體育書寫】專題，02/25截稿，邀請逐家用書寫的行動來參與。 請佇 02/25進前，共你的詩、散文、小說抑是文學評論作品 寄到：[email protected] 編輯室收。 -- https://i.imgur.com/oVnpBmF.png https://i.imgur.com/2oUrCev.jpg ♥動畫♥閱讀 文學♥ＡＣＧ https://www.facebook.com/Qorqios/ --

※ 發信站: 批踢踢實業坊(ptt.cc), 來自: 118.160.58.224 (臺灣) ※ 文章網址: https://webptt.com/m.aspx?n=bbs/Literprize/M.1643373537.A.6FD.html

※ 發信站: 批踢踢實業坊(ptt.cc) ※ 轉錄者: Qorqios (118.160.58.224 臺灣), 01/28/2022 20:40:05