https://news.pts.org.tw/article/549835 嘉義溪口開3冬拍紀錄片 保留在地武館文化 林緯廷 / 嘉義報導 發佈時間：2021-10-18 19:15 更新時間：2021-10-19 11:07 https://youtu.be/Ir4y3VBRzTg 嘉義溪口佇2018年捌做過廟口文化調查，發見較早溪口的14个庄頭內底，捌有23間武館， 佮臺灣的武術歷史有誠深的牽連。鄉公所開三冬的時間，替溪口的武館翕紀錄片，希望會 當保存在地的特有文化。 溪口鄉公所倩人共獅陣演練的過程翕落來，希望記錄在地的武館文化。 溪口鄉林腳社區發展協會理事長陳志豪：「希望講這个紀錄片，會當講予咱的序細瞭解講 ，誠實講無人教，咱後擺看這紀錄片來學。」。 群成軒武館師父陳鴻仁表示，村內愛予這款武術的文化，愛會當繼續共伊傳落去。 負責這改紀錄片規劃的郭應哲博士講，in佇調查的時陣，發見溪口的武館文化傳統閣多元 ，甚至佇台灣武術歷史的發展，嘛有誠重要的地位。 東海大學博士郭應哲：「布家這个系統佇溪口，有一个真完整的證明，這个叫做布家的這 種武館系統，實際上伊嘛影響著咱一般所知影的，西螺七嵌。」。 嘉義縣溪口鄉長孫維聰表示，因為這馬人口老化，少年人嘛攏離開故鄉，阮希望透過這種 文化保存了後，會當予阮這个文化，會當推廣到學校內底。 群成軒武館師父陳抄：「阮遮的濟歲人攏感覺講，這武術的根萬一斷去，對遮阮感覺講真 可惜。」。 鄉公所表示，目前鄉內的武館閣有10間，因為社會環境的改變，學的人是愈來愈少，透過 三年的時間來拍這支紀錄片，毋但希望保存傳統的文化，嘛希望會當予序細認捌在地的歷 史。 --- 武動溪口全紀錄定案公布版 https://youtu.be/tvmWbSO1tBY --

※ 發信站: 批踢踢實業坊(ptt.cc), 來自: 114.39.110.168 (臺灣) ※ 文章網址: https://webptt.com/m.aspx?n=bbs/TW-history/M.1634656146.A.442.html