https://news.pts.org.tw/article/541162 "花磚而生"紀錄片 望民眾看見在地世界級文化 林緯廷 / 嘉義報導 發佈時間：2021-08-22 19:15 更新時間：2021-08-22 20:05 https://youtu.be/c2UGzqL-JKg 台灣的這款有真媠圖樣的花磚，這馬干焦佇一寡老厝看會著，真有歷史佮文化價值。佇嘉 義市有一間專門保存花磚藝術的博物館。博物館用3年，拍一塊紀錄片，向望民眾認捌這 款特殊的文化。 一塊一塊的花磚，親像藝術品展出予人欣賞，嘛有做成創意商品來賣人客。嘉義市這間專 門保存花磚的博物館，毋但保存對全國收轉來的花磚，嘛佮公共電視合作翕紀錄片。 花磚博物館長 徐嘉彬講，「台灣的花磚文化，竟然是佮世界的花磚是連做伙的，逐家就 知影台灣花磚的歷史，是真正足珍貴，拍這紀錄片真正無簡單。」 花磚而生紀錄片導演 婁雅君講，「佇台灣有親像徐嘉彬館長這款的人，為花磚的保存再 生拍拚，世界上其實嘛有真濟人真佮意花磚，嘛咧為花磚拍拚。」 這齣紀錄片是公視新聞部獨立特派員的團隊佮製作部做伙製作，透過一塊花磚對台灣出發 ，去到日本、新加坡走揣線索，希望民眾會當了解花磚的歷史佮文化。 觀影民眾 賴先生講，「真正共規个歷史整理起來，其實感覺非常感動，而且嘛感覺誠辛 苦。」 觀影民眾 蕭同學講，「世界文化遺產等級的文物，會當繼續保存落去，嘛會當繼續流傳 落去。」 嘉義市政府表示，花磚博物館是全台灣第一个也是唯一保存花磚的所在，透過紀錄片記錄 花磚這項藝術佮保存，嘛予世界有機會透過花磚看著嘉義市。 --- 花磚的旅程，從消失到再生。｜獨立特派員 第710集 (花磚而生－首映版／Born for tiles／マジョリカタイルに“生きる”) https://youtu.be/6sfeHu_x6vg --

※ 發信站: 批踢踢實業坊(ptt.cc), 來自: 111.255.74.34 (臺灣) ※ 文章網址: https://webptt.com/m.aspx?n=bbs/TW-history/M.1629669210.A.FB3.html