Source: http://stinglife.pixnet.net 仲基難得的在香港的雜誌有專題報導, 香港的《FACE》週刊為壹傳媒旗下的雜誌，所以風格就大家也明白， 以壹傳媒的風格，這篇算很正面了， 例如有些很正面的資訊: '《美膚男大作戰》韓文版及中文版合共銷量高達20萬本', '自仲基做Tonymoly代言後，Tonymoly業績勁升一成' 但也有一些錯誤資訊: 例如仲基和劉亞仁那個是P圖， '模特兒影硬照，早前得到《亞洲模特兒選舉》「時尚明星獎」' 《亞洲模特兒選舉》得「時尚明星獎」,也不是因為模特兒影硬照吧! '大學畢業後即投身演藝界' 也是錯的! 所以文中不少說法都有誤... 大家看時請包容一下文中的各種 雜誌圖 http://tinyurl.com/84yxnoe http://tinyurl.com/8ylwokx http://tinyurl.com/6vd82ug http://tinyurl.com/7y23m34 http://tinyurl.com/85e3krt http://tinyurl.com/6m4e2tt http://tinyurl.com/82npnts http://tinyurl.com/8a3jjwf http://tinyurl.com/8y324vp http://tinyurl.com/7umyqtn http://tinyurl.com/76f6b2r 宋仲基　美肌之子 26歲，身高5呎10吋宋仲基，唔只面部皮膚白滑，連手臂都白雪雪，唔怪得個朵叫「牛奶 仔」，即皮膚好似牛奶白滑。 上週2PM同Super Junior兩隊猛男組合強攻港澳，令一班港女睇肌肉睇到飽晒。壯男睇到 滯不如改口味追捧白淨又斯文的花樣美男。 呢期最hit的韓國花樣男，一定係宜家J2台播緊的韓劇《成均館緋聞》男主角宋仲基，特 徵係單眼皮cute爆，最煞食皮膚白滑似女人，仲出埋書教護膚秘訣。港女唔只LUM爆，簡 直要學添啦！ 今年26歲的宋仲基，官仔骨骨的他，畢業於韓國名校成均館大學的企業管理學系，由於青 靚白淨，當時已被封為校草，大學畢業後即投身演藝界。 扮富二代上位 出道4年的宋仲基，拍戲、拍劇仲做埋主持，前年憑古裝劇《成均館緋聞》走紅，戲中仲 基飾演靚仔又玩得的富二代具龍河，引死班韓妹，而仲基最大賣點係白滑到近乎完美的肌 膚，上年仲出埋書《美膚男大作戰》傳授美肌心得賺埋錢。 出書教護膚 上年出書《美膚男大作戰》傳授護膚心得，據稱該書韓文版及中文版合共銷量高達20萬本 ，名利雙贏。 美肌生招牌 出名皮膚靚到跣手的宋仲基，上年被韓國護膚品牌Tonymoly睇中做代言，據稱自仲基做生 招牌後，該公司業績勁升一成，真係招財貓。 有基味 代表作《成均館緋聞》中，飾演聰明又玩得的書生，跟同學劉亞仁玩起上來可以攬到實， 有基味喎！ 日飲2杯橙汁 天生皮膚靚的仲基，強調後天保養更加重要，佢話首要條件一定要揀到一隻適合自己皮膚 的面膜同潤膚液，而仲基自己的美膚習慣、飲食方面就係少食煎炸食物；每 日飲兩杯橙 汁，既可清腸胃，又可增加維他命C；至於護膚方面，每晚一沖完涼即要全身塗滿潤膚液 ；而洗面後切忌大力抹面，要用毛巾輕力印乾，防止毛孔變大。 扮靚唔只係女人，甚至 係花樣男宋仲基終生事業，花咁多心機扮靚，難怪最近韓國綜藝節目《Section TV演藝通 訊》搞「完美男星選舉」，仲基打低SJ始源同李準基成為no.1。 玩姊弟戀 26歲的仲基，上年尾同大佢4年的韓藝瑟合演電影《賺錢羅曼史》，戲中飾演窮鬼的仲基 ，同慳妹韓藝瑟搞姊弟戀。 喊住離場 一直拍劇同拍戲，2010年仲做埋《Running Man》主播，但上年因忙於拍戲，最後被迫辭 退做《Running Man》主持，主持最後一集時仲喊晒口同觀眾道別。 當旺牛奶仔 宋仲基白滑肌膚靚過女人，其實韓國大把男星都係美肌男，好似2PM最靚仔Nichkhun同《 花樣男子》男主角金賢重，皮膚靚到做護膚品代言人。 剝殼蛋　Nichkhun 2PM最紅隊員Nichkhun護膚秘訣，盡量避免用熱水洗面，避免毛孔擴大，而飲食方面，則 每晚飲熱鮮奶，可使皮膚更加滋潤。 美白男　金賢重 出名青靚白淨的金賢重，主要護膚心得係跳舞跳出一身汗，可助排出體內毒素，待沖完涼 後要用凍水洗面將毛孔收縮，可使面部肌膚更滑手。金賢重唔只係THE FACESHOP護膚品代 言人，更曾為Tonymoly做生招牌，但該產品面膜，曾被台灣爆出含有雙氧水，被傳用後會 損害皮膚。 --

※ 發信站: 批踢踢實業坊(ptt.cc) ◆ From: 218.102.115.184